The Definitive Guide to Living in the Capital , Cairo , Egypt

معالم وسياحة

ليه لازم تزوروا مصر في 2020؟.. الإجابة في 5 حاجات

BBC الزحمة القاهرة الكشري اللهجة المصرية المتحف المصري الكبير المعادي المواصلات سياحة شارع 9 مصر
ليه لازم تزوروا مصر في 2020؟.. الإجابة في 5 حاجات
    بواسطة
    Omar Abd-elmaqsoud

    في أحدث تقرير ليها بعنوان “لماذا يجب أن تزور مصر في عام 2020؟” وضحت هيئة الإذاعة البريطانية (BBC) مجموعة من الأسباب المهمة اللي بتقول ليه “مصر” لازم تكون على خريطة السياحة العالمية في 2020؟ وليه مهم تكون في قائمة الدول اللي لازم تزوروها النهارده قبل بكره لو بتفكروا تسافروا سياحة وأنتم بره مصر؟ تعالوا بينا نعرف ليه لازم نزور مصر في 2020؟:

    المتحف المصري الكبير.. هو كلمة السر الأولى، وده لإن فيه هتتعرف على التاريخ القديم والحديث للقاهرة ولمصر كلها، باعتباره أكبر متحف في العالم بيضم حضارة واحدة، وهي الحضارة المصرية القديمة أو الفرعونية، يعني الحكاية كلها من الأول للآخر.

    أعلن رسميًا عن افتتاح المتحف في أواخر 2020 وهو على بُعد 2 كيلو من الأهرامات الثلاثة.

    وبعيدًا عن المتحف، التقرير قال إن أحد أهم أسباب زيارة مصر في 2020 هو “القاهرة” نفسها.. وبنتكلم هنا عن أكبر مدن أفريقيا من حيث عدد السكان، بأكثر من 20 مليون نسمة.

    الكاتبة الأمريكية “لورين كيه. كلارك” عايشة في القاهرة من سنة 2010، ولما اتسألت ليه اختارت القاهرة علشان تعيش فيها؟ جاوبت بـ 3 كلمات “نبض مفعم بالحيوية” في كل حتة فيها.

     التنوع في القاهرة.. سر مايعيشهوش غير اللي زارها، مهما اتكلمنا عن تنوع الثقافات والطبقات الاجتماعية والبيئات الطبيعية فيها، هيفضل برده التنوع سر مش مفهوم غير للعاش فيها، وزي ما قالت “لورين” إن كل جزء منها ليه طابعه الخاص، وثقافته المتفردة.

    أما الأسترالي “دانا هويشماند” صاحب مدونة “ديسكفر ديسكومفورت” فقال إن اللي ربطه بمصر وخلاها على قائمة زيارته، هو “دوشتها مفيش منها” زي ما بيقول.

    “الكشري” كلمة سر تانية، وعلى الرغم من إن الأكل في القاهرة عبارة عن وحي أو إلهام من “المطبخ العالمي” لكن لسه الأكل التقليدي السائد في مصر، له طابع حميمي، وروح حلوة، ونفس لايقاوم.

    شارع 9 في المعادي.. “الشارع اللي بيحقق كل أحلام الأكيلة” زي ما بتقول “لورين” لكل حد بيفكر يزور القاهرة، وده ليه أكتر من سبب، أولهم المطاعم على الجانبين، واللي بتقدم من أول السوشي لحد الكبدة والسجق وأكلات الشوارع المصرية.

    الزحمة.. سر من أسرار القاهرة، ولازم تبقى جاهز للتعامل مع دوشتها ونشاطها لو قررت تزورها أو تعيش فيها، ورغم انتشار المشروعات التنموية ومرافق البنية التحتية الجديدة، وتوفر وسائل المواصلات بشكل كبير زي ما بتقول “لورين”، إلا إن التأخير عن مواعيدك بقى سمة وجزء لايتجزأ من حياتك فيها، أو حتى زيارتك ليه، وصدقني هتتأخر أه، بس بكل حب وانبساط.

    غير كده، تكلفة التنقل بين أحياء القاهرة، مش مكلفة زي غيرها من العواصم العالمية، فمتوسط التكاليف الشهرية أقل بنسبة 250% عن لندن مثلًا، حسب موقع “إكسباتيستان”، المتخصص في مقارنة معدلات تكاليف المعيشة بين مدن العالم المختلفة.

    اللهجة المصرية وحلاوتها وسهولتها و”مرحها” زي ما بيقول “هويشماند” على الرغم من إن ممكن تتواصل مع الناس في الشارع بالإنجليزي عادي، إلا إنه دايمًا بيفضل يكلمهم باللهجة المصرية العامية حتى مش اللغة العربية، علشان بيحس إنها ممتعة ومرحة.

    مقترح