The Definitive Guide to Living in the Capital , Cairo , Egypt

معالم وسياحة

متحف الأحياء المائية وقلعة قايتباي.. رحلة 1×2 في عيد الأضحى 2024

الإسكندرية خروجات كايرو 360 سفر عيد الأضحى 2024 قلعة قايتباي متحف الأحياء المائية
متحف الأحياء المائية وقلعة قايتباي.. رحلة 1×2 في عيد الأضحى 2024
بواسطة
Cairo 360

لو زهقت من القاهرة، وحابب تطلع رحلة مميزة في عيد الأضحى 2024، يبقى مافيش أجمل من السفر للإسكندرية في يوم صد رد، وهناك ممكن تزور مكانين مميزين في نفس الوقت، لأنهم قربين جدًا من بعض في الأنفوشي، المكان الأول هو قلعة قايتباي، والثاني هو متحف الأحياء المائية اللي بيحتوي على مخلوقات بحرية مدهشة.

 

قلعة قايتباي

اللي بنى القلعة كان السلطان الأشرف أبو النصر قايتباي المحمودي، الملك الجراكسي، والقلعة اتبنت على مساحة 17550 متر، وبناء القلعة كان سببه محاولة حماية مدينة الإسكندرية من بطش الدولة العثمانية.

القلعة دي قامت بدور مهم جدًا في صد هجمات الحملة الفرنسية على مصر، وهي محاطة بالبحر المتوسط من 3 اتجاهات ولها مدخل رئيسي من الجنوب الغربي على برجين، وتم تجديد القلعة وتطويرها وتزويدها بالأسلحة في عصر محمد علي.

القلعة معروف عنها أسوارها العالية وأبوابها القوية، ده غير الأبراج المتنوعة في الشكل اللي بتحيط بيها، وهي فيها غرف دفاعية وفتحات رمي سهام، وأماكن تخزين سلاح وسكن للجنود ومسجد وصهاريج مياه.

 

متحف الأحياء المائية

لو كنت أول مرة تزور مدينة الإسكندرية الساحرة، هتكتشف أن المدينة دي مش بس بتتمتع ببحر رائع وجو منعش، لكنها كمان بتضم عدد كبير من المتاحف، ومنها متحف الأحياء المائية، اللي بيقع بالقرب من قلعة قايتباي في الأنفوشي.

رغم أن المتحف (أو المعرض) مش كبير قوي، لكنه مكان مهم وتاريخي، بيرجع لسنة 1930م، وبيشتهر المتحف بجذبه لكثير من زوار المدينة للاستمتاع بمشاهدة عدد كبير من الكائنات البحرية.

هتشوف هناك مجموعة متنوعة ومميزة من الأسماء والأصداف وكتير من الحيوانات البحرية الفريدة زي السلاحف البحرية وسمك البيكاسو وكمان سمك الرباجة. المتحف بيضم كمان معهد مخصص لأبحاث الأحياء المائية.

مقترح