متحف الفن الإسلامى.. مقتنيات نادرة ودورات وورش عمل كتير
الفيل الأزرق القميص المسحور متحف الفن الإسلامي مخطوطات معالم وسياحة
Mohamed Talaat
مصدر الصورة من هنا
دايمًا بندور على أماكن نزورها وبنحب نستكشف حاجات كتير في القاهرة، ولكن فيه حاجات مبنعرفش قيمتها رغم إنها قدام عنينا، زي متحف الفن الإسلامي اللي فيه مجموعة من المقتنيات النادرة والمميزة، واللي مش موجودة في العالم كله غير في المكان الجميل ده.
المتحف بيضم 11 قسم فيهم نسيج وسجاد، وأحجار، وعاج، وخزف، والأخشاب، المعادن، وزجاج، ومخطوطات، ومسكوكات، وحلي، وأسلحة، ودول مسموح فيهم بالزيارة، ده غير كمان إنه مقتنياته من كافة العصور الإسلامية، “الأموي والعباسي والفاطمي والأيوبي والمملوكي”.
وهنلاقي فيه مركز ترميم المخطوطات والآثار، ومكتبة بحث علمي، وعملات وسلاح العالم الإسلامي وكتابات ومقتنيات الحياة اليومية الإسلامية وحاجات علمية وطبية، وأشهرها على الإطلاق القميص المسحور الشهير اللي استخدم نسخة تقليد منه في فيلم الفيل الأزرق.
والمتحف بيعمل ورش في الحفائر الأثرية والترميم ودورات لغة وحفلات سمر ومسابقات تصوير ومعارض تراث، وكمان عندهم أبليكيشن خاص بيهم تقدر تعرف منه كل حاجة وممكن تحمله من هنا
تذكرة المتحف بـ10 جنيه، وللطالب المصري بـ5 جنيه، وهو مفتوح يوميًا من الساعة 9 صباحًا حتى 5 مساءًا، ماعدا الجمعة حتى 7 مساءًا.
العنوان: تقاطع شارع بورسعيد مع أرض شريف، أمام مديرية أمن القاهرة – باب الخلق
رقم التليفون: 0223901520
الموقع الالكتروني هنا
صفحة الفيسبوك من هنا
