The Definitive Guide to Living in the Capital , Cairo , Egypt

معالم وسياحة

مسافر جوه أو بره مصر؟ نصائح مهمة هتخليك تقضي رحلة ممتعة

السفر تجهيز نفسك للسفر شنطة السفر نصائح قبل السفر
مسافر جوه أو بره مصر؟ نصائح مهمة هتخليك تقضي رحلة ممتعة
    بواسطة
    Mohamed Talaat

    السفر عشق حقيقي لكتير من الناس، متعة الحركة ومقابلة ناس جديدة والتعرف على ثقافات تانية والمشي في شوارع مختلفة.. وعلشان السفر يبقى متعة حقيقية إحنا هنقول لك على أهم النصائح، وده بحسب تقرير لطيف نشره موقع “نوماديك مات” مؤخرًا.

     

    اشتري حقيبة ظهر أو سفر صغيرة

    ابعد عن الشنط الضخة والكبيرة أثناء السفر، وخليك متأكد إنك لما هتشتري حقيبة ظهر أو سفر صغيرة (سعة 40/35 لتر) وقتها هتكون مضطر لحمل أشياء قليلة في شنطتك، وهي غالبًا الأشياء الضرورية بس. لأن الإنسان عنده ميل طبيعي إنه ياخد حاجات كتيرة حتى لو مش هيحتاجها.

     

    بلاش تاخد معاك ملابس كتيرة

    كل ما كانت الملابس قليلة كل ما كانت حياتك أهدأ. في السفر مش مشكلة إنك تلبس نفس القميص أو التي شيرت لكذا يوم، خذ معاك نص الملابس اللي أنت فاكر أنك هتحتاجها. واكتب قائمة بالأساسيات ووبعدها قلقلها للنص. المهم إنك تاخد شرابات كافية، لأن أهم حاجة الشرابات النظيفة.

     

    سافر لوحدك مرة على الأقل

    السفر بمفردك متعة كبيرة، وتجربة هتخليك تتعلم الكثير عن نفسك وإزاي تبقى مستقل. يمكن تفتكر إن دي جملة نمطية لكن تأكد إنها حقيقية. هيعلمك السفر بمفردك أنك تكون مستريح مع نفسك وهيساعدك في معرفة كل اللي أنت قادر تعمله لوحدك في حياتك.

     روح مكتب السياحة المحلي بشكل متكرر

    مكاتب السياحة المحلية عارفة كل حاجة عن البلد. ممكن يقترحوا عليك أنشطة مجانية وفعاليات خاصة ممكن تكون بتحصل خلال إقامتك. كمان مكاتب السياحة المحلية وعلى عكس الشائع بتعرض خصومات على الوجهات السياحية والنقل.

     

    لما تتحرك من الفندق خذ اللي هتحتاجه في يومك بس

    حط حد لكمية الأموال النقدية والبطاقات المصرفية اللي بتشيلها معاك، علشان لو حصل أي موقف لا قدر الله تبقى الخسارة قليلة. وبننصحك بعدم أخذ أكثر من بطاقة ائتمانية. والأفضل ما يكونش معاك كاش أكتر من 50 دولار.

     

     اتعلم عبارات أساسية باللغة المحلية لوجهتك

    السكان المحليين هيفرحوا بالموضوع ده، وده هيخلي تفاعلاتك أسهل. مش هتحتاج لإتقان اللغة بشكل كامل، كل اللي هتحتاجه تتعلم عبارات قليلة زي أهلًا، مع السلامة، شكرًا.

     

     اقرأ كتب عن تاريخ الأماكن

    مش هتقدر تفهم حاضر مكان إلا لو كنت عارف حاجة عن ماضيه. اقرأ عن الأماكن اللي هتزورها. ده هيديك فهم أعمق للمكان اللي هتزوره.

     

    بلاش تسافر في طيران مباشر لوجهتك

    لما هتحجز رحلات الطيران، أحيانًا بيكون الأرخص هو الطيران لمطارات قريبة من وجهتك النهائية وبعدها تاخد القطر أو الأتوبيس لأي مكان حابب تروحه.

     

    في الطوابير بلاش تقف ورا العائلات

    بلاش تقف مطلقًا ورا العائلات. لأنهم بيستغرقوا وقت طويل. ده مش ذنبهم، لكن بيكون معاهم حاجات كتير بسبب الأطفال. حاول تتجنب الصفوف اللي فيها كثير من الأطفال.

    مقترح