The Definitive Guide to Living in the Capital , Cairo , Egypt

جملة “مصر أم الدنيا” دي ماجتش من فراغ، وأحد الأسباب إنها مقصد سياحي عالمي للزوار من مختلف دول العالم، ده غير تصنيفها – تقريبًا بشكل سنوي – ضمن أفضل الوجهات السياحية على مواقع ومنصات عالمية مختلفة.

ومع قرب الشتاء وبداية الدخول في أجوائه، جمعنا لكم أجمل 5 مزارات سياحية جوة مصر، تقدروا تزوروهم في الشتاء تستمتعوا بالجو فيهم:

 

شرم الشيخ

من أكبر مدن محافظة جنوب سيناء، وفيها منتجعات كتيرة بيزورها سياح من كل أنحاء العالم، وتتمير بمناخها المعتدل طوال العام وتحديدًا في فصل الشتاء، ده غير إنها واحدة من أهم مراكز الغوص العالمية، يعني زي ما يبهرك جوها وجمال شواطئها، تقدر تستمتع برؤية الأسماك الملونة والشعاب المرجانية تحت البحر.

مرسى علم

بتتميز بطبيعتها الساحرة والهدوء، وفيها كتير من المنتجعات السياحية اللي بتوفر درجة كبيرة من الرفاهية للزوار، كمان تعتبر مركز عالمي للصيد والغوص والرحلات البحرية، كل المميزات دي مع الجو اللي يخليك تقضي أجمل شتاء بكل تأكيد.

 

أسوان

من مكانها على الضفة الشرقية لنهر النيل بتعتبر البوابة الجنوبية لمصر، وفي عصر المصريين القدماء كانت معروفة باسم “السنونو” يعني السوق، لأنها كانت مركز تجاري للقوافل اللي جاية للنوبة، أسوان من أجمل بلاد العالم لأنها مليانة بجمال الطبيعة وسط النيل، وفيها معابد أثرية عريقة.

 

دهب

اتسمت على لون رمالها الذهبية، وهي من أكتر المدن اللي رشحتها المواقع العالمية كأفضل المواقع السياحية المصرية، بتجذب السياح من مختلف بلاد العالم خاصة محبي رياضة الغوص، وهي بالفعل من أفضل الأماكن اللي ممكن زيارتها في الشتاء.

الأقصر

اتعرفت على مر العصور بأسماء مختلفة زي: مدينة المائة باب ومدينة الشمس، بتملك ثلث آثار العالم بين معابد فرعونية عريقة ومتاحف أثرية عظيمة، وده مصنفها واحدة من أهم المدن الأثرية في مصر والعالم، وكمان بتتمتع بجو مشمس ساحر، يخليها مكان مناسب لفصل الشتاء.