The Definitive Guide to Living in the Capital , Cairo , Egypt

معالم وسياحة

ادفع علشان تعدي.. الحكاية التاريخية لكوبري قصر النيل

الخديوي إسماعيل القاهرة الملك فؤاد قصر النيل كوبري
ادفع علشان تعدي.. الحكاية التاريخية لكوبري قصر النيل
    بواسطة
    Mohammed Sabry

    قريب من ميدان التحرير، وبأربع أسود موجودة على المدخلين بتوعه.. كوبري قصر النيل بيمثل أشهر حلقة الوصل بين القاهرة والجزيرة. تعالوا نتعرف عليه أكتر.

    في 1865 خلال بناء سرايا الجزيرة، أصدر الخديوي إسماعيل أمر لنظارة الأشغال، ببناء كوبري يوصل القاهرة بالجزيرة. وبالفعل بدأت عمليات الإنشاء سنة 1869. وقامت شركة فرنسية ببناء الكوبري. واللي اكتمل بناؤه سنة 1871. بطول 406 متر، وعرض 10.5 متر (2.5 للرصيفين، و 8 متر للطريق).

    تم فرض رسوم عبور الكوبري على حسب نوع المارة: الرجالة والستات ربع قرش – الأطفال معفيين من الرسوم – عربيات البضائع المليانة قرشين والفارغة قرش.

    سبب تسمية الجسر باسم كوبري قصر النيل، إنه كان في قصر كبير على النيل من جهة ميدان التحرير، اسمه “قصر النيل”. بناه محمد علي لبنته زينب. القصر ده اتهد بعد كده لما اتولى سعيد باشا الحكم، وحوله لثكنات للجيش.

    في عهد الملك فؤاد تم عمل كوبري جديد مكان القديم. علشان يواكب حركة النقل المتزايدة والحمولات الكبيرة. حط حجر الأساس في فبراير 1932، وتم افتتاحه في 1933. بطول 382 متر وعرض 20 متر.

     

    مقترح