The Definitive Guide to Living in the Capital , Cairo , Egypt

معالم وسياحة

هيحتوي على أكتر من 100 ألف قطعة أثرية.. 3 معلومات عن المتحف المصري الكبير

آثار الفراعنة المتحف المصري الكبير توت عنخ آمون رمسيس الثاني مصر
هيحتوي على أكتر من 100 ألف قطعة أثرية.. 3 معلومات عن المتحف المصري الكبير
    بواسطة
    Mohamed Talaat

    مافيش حد مننا ماسمعش عن المتحف المصري الكبير وتابع كمان مراحله من بداية الفكرة حتى بناءه، وهو موجود بطريق الواحات بالقرب من الأهرامات الثلاثة، وهيكون أكبر متحف بيحتوى على آثار فرعونية، ومش مصر بس اللي مهتمة بالمتحف، كمان وسائل الإعلام العالمية بتتكلم عنه، وآخرهم تقرير نشرته صحيفة الجارديان البريطانية بتشيد فيه بالمتحف ومحتوياته.

    في السطور الجاية هنعرفكم على أهم المعلومات الخاصة بالمتحف، علشان تعرفوا أكتر عنه خاصة مع قرب الانتهاء منه لافتتاحه في حدث عالمي بيتم التجهيز له.

    1 – المتحف المصري الكبير تجاوزت تكلفته مليار دولار، ومبني على مساحة 500 ألف متر، وهيكون متاح فيه مشاهدة أكتر من 100 ألف قطعة من الآثار المصرية القديمة، وهيتوسطه تمثال رمسيس الثاني، اللي بيصل طوله لـ7 أمتار.

    2 – المتحف هيعرض مقتنيات ما لا يقل عن 83 فرعون من الأسرة الـ19، وكمان هيكون فيه  الكنز الثمين والأكبر للملك توت عنخ آمون وهيشتمل على 5400 قطعة من مقتنياته، وكل ده هيتعرض في مساحة 7000 متر مفتوحة مخصصة له، ومقسمة لصالات عرض، بحيث أنها تسمح للزوار أنهم يشوفوا الصورة الكاملة للحياة والمعاناة والدراما خلال فترة توت عنخ آمون.

    3 – كمان هيكون منطقة خدمات ترفيهية وتجارية، ومركز ترميم، وحديقة هتتزين بأشجار كان القدماء المصريين بيزرعوها، ده غير متحف داخلي منفصل للأطفال، وهيستخدموا لأول مرة حيل بصرية على أحدث طراز لشرح تاريخ القدماء المصريين للأطفال، وهيحتوي على سينما ثلاثية الأبعاد فيها 250 كرسي.

    مقترح