The Definitive Guide to Living in the Capital , Cairo , Egypt

معالم وسياحة

وسائل إعلام عالمية: القاهرة من أفضل الأماكن للزيارة في 2020

السياحة المصرية القاهرة القاهرة في الإعلام العالمي المتحف المصري الكبير زيارة القاهرة زيارة مصر
وسائل إعلام عالمية: القاهرة من أفضل الأماكن للزيارة في 2020
    بواسطة
    Cairo 360

    مصدر الصورة الرئيسية من هنا

    الإعلام العالمي بدأ ياخد باله من مصر مؤخرًا، ويطالب جمهوره بزيارتها في 2020، خصوصًا القاهرة، وده بيثبت إن مصر نجحت في الفترة الأخيرة في إثبات نفسها على خريطة السياحة العالمية.

    على سبيل المثال نشر موقع “بي بي سي” الشهر ده تقرير بعنوان “ليه 2020 هو عام زيارة القاهرة”، قال إن مصر أفضل مقصد سياحي للزيارة في 2020، خصوصًا مع قرب افتتاح المتحف المصري الكبير، واللي وصفه التقرير بالمشروع الضخم اللي بيستناه العالم.

    التقرير أكد إن المتحف هيقدر يجذب أكبر من السائحين للقاهرة، لأسباب كتيرة منها عرضه لكنوز الملك الذهبي توت عنخ آمون، وغيرها من القطع الأثرية الفريدة.

    كمان صحيفة “نيويورك تايمز” الأمريكية، اختارت القاهرة في تقرير حديث ليها ضمن قائمة أعدها قسم السفر بالصحيفة، لأفضل 52 مقصد سياحي مهم زيارته في عام 2020.

    الصحيفة قالت إن السبب في اختيارها للعاصمة المصرية هو استعدادات مصر القوية لافتتاح المتحف الكبير المصري اللي وصفته بالبناء الضخم اللي بيشيده حاليًا المصريين زي ما عمل أجدادهم الفراعنة لبناء الحضارة المصرية القديمة.

    كمان مجلة Haute Living الأمريكية، المتخصصة في شئون السفر والسياحة، نشرت مؤخرًا قائمة رشحت فيها القاهرة للزيارة في 2020، باعتبارها من أفضل الوجهات السياحية الترفيهية السنة دي.

    مقترح