أفلام لازم تتفرج عليها في شهر الربيع
Mohamed Hamdy
على الرغم من أننا بنشجع الجميع يخرجوا ويعيشوا حياتهم وسط الخضرة، وفي رحاب الأماكن الطبيعية المفتوحة. لكن لو ظروفكم مش سامحة بده، ممكن تخلوا قعدتكم في البيت فرصة ممتازة، علشان تتفرجوا على أفلام كلها مشاهد طبيعية جميلة. وحياة وسط الخُضرة والماء… والوجه الحسن.
كايرو360 بتقدم لكم دليل للأفلام اللي كان فيها اهتمام بالمشاهد الطبيعية والأجواء الربيعية المنعشة:
أميرة حبي أنا
هل ينفع نتكلم عن الربيع بدون ما نتكلم عن الفيلم، اللي خلى لكلمة (الربيع) في عقولنا نغمة مميزة؟ وصوت رائع هو صوت الجميلة الراحلة سعاد حسني وهي بتغني “الدنيا ربيع والجو بديع.. قفل لى على كل المواضيع”. وكمان أغنية “الحياة بقي لونها بمبي”. واللي بتكمل مع أغنية “الدنيا ربيع” دويتو الربيع الجميل في حياتنا كلها.
فيلم أميرة حبي أنا، هو التجسيد المباشر عند جيل كامل لكلمة الربيع.
Wild Hogs
فيلم كوميدي جميل جدًا بيتناول قصة مجموعة من الرجال، بيقرروا يرموا كل حاجه وراء ظهورهم. وينطلقوا في رحلة على الطريق السريع. وبتقودهم الحظوظ لمجموعة من المغامرات والمطاردات العجيبة والكوميدية.
لكن الفيلم بيقدم مجموعة كبيرة من المشاهد الطبيعية الخلابة، واللي بتظهر من خلال رحلة مجموعة الأصدقاء في الغابات والمناطق المفتوحة. علشان كده بنرشح الفيلم للمشاهدة العائلية في الربيع.
Mission: Impossible – Ghost Protocol
أما محبي أفلام الأكشن يقدروا يتفرجوا على فيلم Mission: Impossible – Ghost Protocol. واللي بيقدم – بالإضافة طبعًا لجرعات عالية من الأكشن ومطاردات السيارات – مطاردة لفصل الربيع في أكتر من دولة. بداية بروسيا اللي بتبدأ فيها أحداث الفيلم، ونهاية بالهند. مرورًا بمدينة دبي، واللي بنشوف فيها عاصفة ترابية عظيمة بتفكرنا بتقلبات الجو في مصر في بدايات الربيع.
لو بتحب الأكشن، ماتفوتش الجزء (الربيعي) من سلسلة Mission Impossible أبدًا.
Little Miss Sunshine
فيلم Little Miss Sunshine مش بس فيلم رائع على مستوى التمثيل أو السيناريو أو الإخراج، لكنه مميز كمان على مستوى المشاهد وزوايا التصوير وحركة الكاميرا.
الفيلم بيحكي عن أسرة أمريكية متوسطة الحال اجتماعيًا وماديًا، وكل فرد فيها بيحاول يوصل لهدفه في الحياة. اللي بتعاندهم جميعًا وبترفض محاولاتهم إنهم يكونوا أفضل وأقوى.
فيلم Little Miss Sunshine يعتبر فيلم أسرى جميل ينفع تتجمع حواليه الأسرة في فترة الربيع علشان يتفرجوا عليه ويستمتعوا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
