The Definitive Guide to Living in the Capital , Cairo , Egypt

فيه ناس كتير بتفضل الأنتخة وقعدة البيت في العيد، المقال ده للناس دول، حضروا الفشار والأكل اللي بتحبوه، وحملوا الأفلام دي أواتفرجوا عليها أونلاين وقضوا أجمل عيد أنتم وأهلكم.

 

Meet the Robinsons

 

 أو زي ما في النسخة المدبلجة بالمصري منه عائلة روبسوس، الفيلم بيتكلم عن طفل يتيم مش لاقي أسرة مناسبة تتبناه فبيقرر أنه يدور على والدته بس بطريقته الخاصة، طريقة المخترع المميز، والأحداث بتلف بيه لحد ما يفهم إن العيلة اللي بيدور عليها موجودة ومسينياه بس لازم ما ييأسش و”يواصل عمله” أو زي ما اتقالت الجملة في النسخة الأجنبية “keep moving Forward” ومش هنحرق لكم الفيلم أكثر من كده.

 

Tangled

 

 القصة الشهيرة للجميلة اللي بينقذها الأمير من سحر الساحرة الشريرة، الفيلم معمول حلو جدًا والألوان والحركة فيه مميزة، ده غير أن الدبلجة المصري مدية طعم مختلف للفيلم.

 

Little chicken

 

قصة فرخ صغير في قرية مليانة بالحيوانات حياته في المدرسة مضطربة بسبب صغر حجمه واستقصاد “ثعلوبة” له، غير أنه عنده مشكلة في التواصل مع والده والتعبير له عن مشاعره وأحلامه، وبعد ما بيحاول يصلح مركزه وينجح في ده الدنيا كلها بتتشقلب فوق دماغه تاني. الفيلم مناسب للأطفال والكبار وفيه قيم إنسانية كثير كويسة.

 

Sing

 

 فيلم جديد عن حلم قديم لحيوان الكوالا اللي نفسه يعيد أمجاد مسرح والده ويشغله بنجاح من تاني، وبيبدأ يعمل مسابقة غناء اللي هيكسب فيها هيفوز بمبلغ مالي ضخم، وبتتوالى الأحداث اللي بتحاول توضح فكرة إن الإنسان لازم يسعى لأحلامه مهما كانت الظروف ويقاوم كل الإحباطات ويكمل طريقه. الألوان والتحريك كان مميز جدًا ومبهر.

 

Trolls

 

فيلم مختلف مليان خيال، بيحكي عن مجموعة أقزام خيالين عايشيين في سعادة بالغة إلا واحد بس، مالوش لون زيهم ودايما حزين ومش بيغني زيهم، لحد ما بتطور الأحداث وحد بيحاول يقضي عليهم وهنا بتتغير كل حاجة.

الفيلم مليان أغاني مبهجة وأغاني مميزة منها أغنية جاستين تمبرليك اللي قلبت الدنيا على السوشيال ميديا. الفيلم بيناقش إزاي الحزن ممكن يطفي الإنسان ويخليه مش عارف يعيش زي باقي الناس، وإزاي إن مقاومته والسعادة بتدي للحياة طعم، خصوصاً لما يكون عندك هدف وتوصل له وتحققه.