The Definitive Guide to Living in the Capital , Cairo , Egypt

مانقدرش نقول على أفلام الرعب المعروضة في سينمات القاهرة حاليًا غير إنها ضعيفة ومملة إلى أقصى درجة، على الرغم من السهولة النسبية لإنتاج النوعية دي من الأفلام، حتى لو بميزانية قليلة.

فيلم Brahms: The Boy II بيحكي عن عائلة بتتعرض لحادثة مرعبة بتجبرهم على تغيير محل إقامتهم، وفي المكان الجديد اللي بينتقلوا له، الإبن بيلاقي دمية مدفونة، ومن هنا بتبدأ حياة الأسرة في التحول.

نقدر نقول إن الأداء التمثيلي لـ “كاتي هولمز” و”أوين يومان” وباقي أبطال الفيلم كان ممتاز، وقدروا ينقلوا لنا الشعور العام بالرعب، لكن سيناريو الفيلم وإيقاعه كانوا ضايعين تمامًا، خاصةً في وسط الأحداث، لدرجة إننا حسينا عند مرحلة معينة إن الفيلم نسي إنه المفروض “رعب” وبدأ يتحول لمجموعة من الأحداث الضعيفة غير المترابطة وغير المبررة على الصعيد الدرامي إطلاقًا.

حتى الدمية اللي المفروض تكون مصدر الرعب في الفيلم كان تصميمها وحش جدًا، ومش مرعب، وعكس الدمية اللي تم استعمالها في سلسلة أفلام Annabelle على سبيل المثال.