يا ترى هنشوف إيه في سينمات القاهرة بعد رمضان؟
Deadpool 2 Incredibles 2 Jurassic World: Fallen Kingdom Ocean’s 8 Sicario: Day of the Soldado Solo: A Star Wars Story خروج رمضان سينما عرض عيد فيلم مشاهدة
Mohammed Sabry
صحيح سينمات القاهرة مش بتعرض أفلام جديدة الفترة دي، لكن عشاق الأفلام هيكون ميعادهم مع جرعة مكثفة من إصدارات هوليوود بعد رمضان. تعالوا نتعرف على الأفلام اللي هتتعرض، بداية من فترة العيد:
Jurassic World: Fallen Kingdom
هنعيش المغامرة وسط الديناصورات كمان مرة، في الجزء التاني من Jurassic World اللي اتعرض في 2015. وفيه “أوين” و”كلير” هيرجعوا الجزيرة علشان ينقذوا الديناصورات من بركان مدمر.
الفيلم هيتعرض 13 يونيو.
Incredibles 2
في الجزء الجديد “بوب بار” هيفضل في البيت علشان يرعى الطفل “جاك جاك”. لما “هيلين” هتكون في مهمة لإنقاذ العالم.
الفيلم هيتعرض 13 يونيو.
Solo: A Star Wars Story
“هان سولو” هيقابل “تشوباكا”، ويبدأوا رحلة من المغامرات المثيرة، قبل انضمامهم للمقاومة بسنين.
الفيلم هيتعرض 20 يونيو.
Deadpool 2
المقاتل غرب الأطوار “ويد ويلسون – ديدبول” هيجمع فريق من المتحولين. علشان يحمي طفل عنده قدرات خارقة، من الشرير اللي جي من المستقبل “كيبول”.
الفيلم هيتعرض 27 يونيو.
Sicario: Day of the Soldado
الحرب على الحدود المكسيكية الأمريكية بترجع تاني، لما العصابات بتنقل الإرهابيين على الحدود الأمريكية. وهيرجع “مات جريفر” يتعاون تاني مع القاتل المحترف “أليخاندرو”.
الفيلم هيتعرض 27 يونيو.
Ocean’s 8
الحكاية مانتهتش عند “داني أوشن” وعصابته. لأن أخته “ديبي أوشن” هتجمع فريق من 7 سيدات، علشان ينفذوا عملية سرقة جديدة، في حفلة Met Gala السنوية في نيويورك.
الفيلم هيتعرض 4 يوليو.
يلا جهزوا نفسك لكوليكشن مميز من الأفلام.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
