“1919”.. أول عمل سينمائي هيجمع كريم عبد العزيز وأحمد عز
1919 أحمد عز أحمد مراد كريم عبدالعزيز مروان حامد
Omar Abd-elmaqsoud
بعد أيام معدودة من انطلاق الجزء الثاني من فيلم “الفيل الأزرق” أكد الكاتب أحمد مراد مؤلف الفيلم الاتفاق النهائي على الفنان “كريم عبد العزيز” والفنان “أحمد عز” للمشاركة مع بعض في فيلم “1919” وهو الفيلم اللي هتكون قصته مستوحاة من الرواية اللى ليها نفس الاسم لأحمد مراد.
الفيلم ده هيكون التعاون الفني الأول بين أحمد عز وكريم عبد العزيز.
الفيلم هيخرجه “مروان حامد” وهيكون من إنتاج شركة “سينرجى” وهيتم الكشف عن تفاصيل الفيلم قريب، وهتتضمن أسماء فريق العمل في الفيلم من الفنانين.
أما الفنان “أحمد عز” فكان نشر على حسابه الرسمي على “إنستجرام” صورة ليه مع الفنان “كريم عبد العزيز” وكتب عليها “انتظروا مفاجأة من العيار الثقيل”.
رواية “1919” هى الرواية الرابعة لـ أحمد مراد، بعد روايته الأولى “فيرتيجو” اللي اتحولت لمسلسل تلفزيوني، وروايته الثانية “تراب الماس” اللي اتحولت لفيلم من بطولة “آسر ياسين” وروايته الثالثة “الفيل الأزرق” اللي كسرت الدنيا بعد ما اتحولت لفيلم من بطولة “كريم عبدالعزيز” واللي بيعرض حاليًا الجزء التاني منه في سينمات القاهرة.
بتحكي رواية “1919” عن أحوال الشارع المصري في الفترة الزمنية اللي كانت بعد ثورة 1919 عن طريق الأحداث المتشابكة والمتشعبة في قهاوي وبارات مصر القديمة زي “متاتيا” و”ريش”.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
