5 أفلام تشوفهم في البيت يوم الفالنتين
Mohammed Sabry
كتب: محمد صبري
لو انت شخص مرتبط يبقى الموضوع ده مش لك. فلو سمحت وسع كده شوية، وسيب مساحة لأخوك أو أختك السناجل، اللي ناويين يقضوا اليوم ده في البيت.
الفالنتين دخل بحركات وسلطاته وبابا غنوجه. فلو أنتم من أصحاب حالة “single” في البطاقة، وناويين تقعدوا في البيت وتعيشوا مع الأفلام، كايرو 360 بترشح لكم شوية أفلام في الليلة المميزة دي. يلا ناخد لفة:
How to Be Single
مجموعة من البنات “السناجل” بيقضوا ليلة في مدينة نيويورك. في محاولة إنهم يلاقوا الشخص اللي يتحب. لكن الأمر مابيخلاش من المواقف الكوميدية جدًا. تقييم الفيلم: 6.1
The Notebook
راجل بسيط وفقير، بيقع في حب بنت غنية ومن عائلة كبيرة. وبعد قصة حب عنيفة، بيبعدوا عن بعض بسبب الفروق الاجتماعية بينهم. تقييم الفيلم: 7.9
Valentine’s Day
الفيلم بيتكلم عن حياة أشخاص مختلفين، منهم المرتبطين ومنهم السناجل. وإيه اللي بيمر به كل شخص منهم في مناسبة زي الفالنتين. تقييم الفيلم: 5.7
Sweet November
راجل غني جدًا مش بيهتم غير بشغله. بتحطه الظروف مع واحدة بتجرب علاقة حب جديدة كل شهر. وبتعرض عليه يبقوا مع بعض في شهر نوفمبر. وساعتها بيقع في حبها ويتعلم إن في حاجات في الحياة مهمة غير الشغل. تقييم الفيلم: 6.7
He’s Just Not That into You
الفيلم بيقدم صورة لشكل الحب في حياة أشخاص مختلفين في حياتهم الاجتماعية: المرتبط – السنجل – المتزوج – المطلق – الأرمل. وفكرة واحد عن الحب والارتباط. تقييم الفيلم: 6.4
سهرة فالنتين سعيدة يا سناجل.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
