5 أفلام هتسافر بيك في رحلة ممتعة للماضي
12 Years a Slave Darkest Hour Hacksaw Ridge Mary Queen of Scots Road to Perdition ابيض اسود امريكا تاريخ جندي جيش حرب حرب اهلية زمن فترة فليلم قديم
Mohammed Sabry
السينما ليها سحرها الخاص. أفلامها دايمًا بتنقلنا لمود مختلف، وبنعيش أجوائها ونتفاعل معاها. ويا سلام لو روحنا معاها لزمن غير الزمن.
أفلام كتير أحداثها بتدور في الماضي، كانت علامة في تاريخ السينما. وإحنا هنا هنرشح لكم 5 من الأفلام دي.
Darkest Hour
إنتاج 2017 – رئيس الوزراء البريطاني “وينستون تشرشل”، بيكون قدام أصعب قرار في تاريخ البلد. خلال الحرب العالمية الثانية، لما الجيش الألماني بيحاصر قوات التحالف في منطقة (دنكرك). إما التفاوض أو القتال.
تقييم الفيلم على IMDb هو 7.4.
Road to Perdition
إنتاج 2002 – “مايك سوليفان” فرد من عصابة كبيرة في شيكاغو، وفي واحدة من عمليات القتل اللي بيقوم بيها، ابنه بيشوفه. ده بيعرض العصابة للخطر، ويقرروا يقتلوا عيلته كلها. ساعتها بيضطر يفتح عليهم أبواب الجحيم وينتقم منهم.
تقييم الفيلم على IMDb هو 7.7.
Hacksaw Ridge
إنتاج 2016 – قصة “ديزموند ت. دوس”، أول جندي يخدم في الجيش الأمريكي بدون سلاح. واللي أظهر شجاعة ومجهود عظيم في إنقاذ الجنود، خلال معركة “Hacksaw Ridge” الشهيرة.
تقييم الفيلم على IMDb هو 8.1.
Mary Queen of Scots
إنتاج 2018 – صراع القوة والسلطة اللي بيدور بين الأرملة “ماري” ملكة أسكتلندا، وبين “إليزابيث” ملكة إنجلترا. وإزاي البعض بيستغل الصراع ده لمصالحهم الشخصية.
تقييم الفيلم على IMDb هو 6.3.
12 Years a Slave
إنتاج 2013 – قبل فترة الحرب الأهلية في الولايات المتحدة، “سولومون نورثب” مواطن حر أسود البشرة، بيتم اختطافه وبيعه كعبد. وبيفضل يصارع لمدة 12 سنة علشان يسترد حريته وكرامته من جديد.
تقييم الفيلم على IMDb هو 8.1.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
