The Definitive Guide to Living in the Capital , Cairo , Egypt

الحياة في كايرو

آثار وحضارة وجيولوجيا.. 3 متاحف في العاصمة المصرية يستحقوا الزيارة

المتحف الجيولوجي المصري المتحف المصري متاحف في القاهرة متاحف مصرية متحف الفن الإسلامي
آثار وحضارة وجيولوجيا.. 3 متاحف في العاصمة المصرية يستحقوا الزيارة
بواسطة
Mohamed Talaat

في القاهرة أجمل متاحف في الدنيا، متاحف بتحتوي على كنوز عمرها آلاف السنين، وصعب تلاقي زيها في أي مكان تاني على كوكب الأرض، في الموضوع ده هنرشح لكم 3 متاحف هتلاقوا فيهم آثار من مصر القديمة، وكنور من حضارتنا الإسلامية، وبقايا من صخور بترجع لبداية الحياة على الأرض.. يلا نبدأ الزيارة.

1- المتحف المصري بميدان التحرير

من أشهر متاحف القاهرة، وموجود في ميدان التحرير. بيضم كتير من القطع الأثرية، واللي بيوصل عددها لـ 150 ألف قطعة. ومتقسمة جوة المتحف حسب ترتيبها الزمني. فهتلاقوا مجموعة ما قبل التاريخ، ومجموعة الدولة الوسطى، لحد مجموعة الدولة الحديثة. المتحف بيضم أهم القطع الأثرية في العالم.

2- متحف الفن الإسلامي

المتحف ده بيضم مجموعة كبيرة من فنون الإسلام المختلفة، من معظم دول العالم. زي شمال أفريقيا، مصر، الأندلس، الصين، إيران. وكمان فيه أشهر الميادين الإسلامية في القاهرة زي باب الخلق، اللي اتنبى 1320 هجرية.

3- المتحف الجيولوجي المصري

تم إنشائه سنة 1901، وافتتحاه للجمهور سنة 1904. موجود على كورنيش المعادي. وبيضم 3 صالات عرض مختلفة. الصالة الأولى بتضم مجموعة كبيرة من الحفريات اللافقارية، زي القواقع. والثانية بتضم الحفريات الفقارية. أما الثالثة فبتضم مجموعات صخرية ومعادن من القشرة الأرضية، زي أحجار المرمر. وكنا عرضنا لكم المتحف بالتفصيل في المقال ده.

مقترح