Mohamed Talaat
تطبيقات النقل الذكي من الحاجات المهمة اللي بقى مافيش استغناء عن استخدامها، ومهما كانت المشكلات الفردية اللي بتواجهنا في بعض الأحيان إلا أن التطبيقات دي بتوفر راحة وأمان بنسبة كبيرة للركاب، وفي القاهرة موجود 5 تطبيقات بيقدموا خدمات كتير هنتعرف عليها مع بعض خلال السطور الجاية.
Uber
الأكثر انتشارًا والأشهر حاليًا ونقدر نقول أنه واكل السوق، وبيقدم فئات مختلفة للركاب “سكوتر – تاكسي – Xsever – x – comfort” ده غير خدمة shuttle المخصصة لنقل الموظفين وكمان عندهم خدمة Connect اللي من خلالها تقدروا توصلوا أو تبعتوا أي حاجة داخل القاهرة.
لمستخدمي أجهزة iOS تقدروا تحملوا التطبيق من هنا.
لمستخدمي أجهزة أندرويد تقدروا تحملوا التطبيق من هنا.
Careem
تطبيق كريم من التطبيقات القديمة وهو مملوك لأوبر كمان حاليًا، وبيقدم خدمة النقل الذكي للركاب عن طريق فئات مختلفة “سكوتر – تاكسي – أوفر – جو – مشوار – المطار”، وده بخلاف التوصيل من مدينة لمدينة.
لمستخدمي أجهزة iOS تقدروا تحملوا التطبيق من هنا.
لمستخدمي أجهزة أندرويد تقدروا تحملوا التطبيق من هنا.
DiDi
من التطبيقات الجديدة في مصر ولكن اثبتت كفاءة نوعًا ما، بيقدموا خدمة التوصيل من خلال 3 فئات مختلفة طيران الخاصة بالسكوتر و Flex اللي بتعتمد على التوافق بين السائق والراكب وخدمة وصلني الأعلى عندهم في الخدمة.
لمستخدمي أجهزة iOS تقدروا تحملوا التطبيق من هنا.
لمستخدمي أجهزة أندرويد تقدروا تحملوا التطبيق من هنا.
Indrive
رغم مشاكلهم الكتير مع بداية ظهورهم إلا أنهم بقوا منافسين بقوة في الخدمات اللي بيقدموها ويبدو إنهم بيحاولوا تحسين الخدمة وعندهم فئات مختلفة زي “توصيلة – توصيلة بلس – دراجة نارية – دليفري” وده بخلاف خدمة التوصيل بين المحافظات، وهما بيعتمدوا على الاتفاق بين السائق والراكب دون تدخل منهم وفي أوقات كتير بيكونوا أرخص من أي خدمة تانية، وحاليًا تعمقوا وبيقدموا خدمات صيانة ونظافة ونقل بضائع وغيرها.
لمستخدمي أجهزة iOS تقدروا تحملوا التطبيق من هنا.
لمستخدمي أجهزة أندرويد تقدروا تحملوا التطبيق من هنا.
TaxiF
هي خدمة جديدة في القاهرة وللأسف لسه مش عارفين يناسفوا في السوق، ومافيش عربيات كتير عندهم ووقت الانتظار أقل حاجة 10 دقائق حسب تجاربنا معاهم، وبيقدموا خدمات التوصيل عن طريق “تاكسي – دراجة نارية” وعندهم فئات للسيارات منها “إيكو – إيكو ليميت – أولوية”.
لمستخدمي أجهزة iOS تقدروا تحملوا التطبيق من هنا.
لمستخدمي أجهزة أندرويد تقدروا تحملوا التطبيق من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
