الكتب المدرسية بقت تفاعلية في متحف الطفل بمصر الجديدة
أماكن مناسبة للأطفال في القاهرة الرحلات المدرسية متاحف القاهرة متاحف للأطفال في القاهرة متاحف مصر متحف الطفل مركز الطفل للحضارة والإبداع
Mohamed Talaat
متاحف مصر مناسبة لكل الفئات العمرية، دي حقيقة هتلاحظها لما تروح أي متحف مصري. هتشوف ناس من كل الأعمار والثقافات. لكن تعرف إن بلدنا فيها متحف متخصص للأطفال وبس بيحول المواد الدراسية لتجارب تفاعلية؟ في الموضوع ده هنعرف أكتر على “متحف الطفل” التابع لمركز الطفل للحضارة والإبداع.
في مصر الجديدة، وبالتحديد في شارع أبو بكر الصديق، هتلاقي “متحف الطفل” الموجود داخل مركز الطفل للحضارة والإبداع، واللي أبوابه مفتوحة لاستقبال الرحلات المدرسية من مختلف المراحل التعليمية. والمتحف بيوفرلهم مجموعة كبيرة من ورش العمل، بتتنوع ما بين الفنون والحرف والأنشطة العلمية بهدف إكساب الطفل المهارات العلمية والثقافية والمعارف النظرية اللي يقدر يطبقها خلال حياته اليومية.
والمتحف هدفه الأساسي هو تقديم كل ما هو جديد في مجال التعليم التفاعلي للأطفال، من خلال دمج المحتوى التعليمي لكل مرحلة دراسية في إطار ترفيهي تفاعلي جذاب.
المتحف بيقدم أنشطة كتير مستمدة من الكتاب المدرسي، وبتساعد الطالب على التحصيل العلمي من خلال المشاهدة، والانخراط في ورش التعليم بدل المفاهيم والتجارب المعقدة. يعني باختصار نقدر نعتبر المتحف بيحول صفحات الكتاب المدرسي لواقع عملي ملموس.
على سبيل المثال، زيارة الطفل للقبة السماوية المتنقلة الموجودة في حديقة المتحف، بتعتبر تجربة ترفيهية تعليمية مختلفة بتنقل الطفل لزمان ومكان مختلفين، من خلال شاشة عرض كبيرة على شكل نصف كرة بتعرض مجموعة من الأفلام عن الفضاء وأعماق البحار، إلى جانب أفلام عن الحضارة المصرية القديمة.
“متحف الطفل” الموجود داخل مركز الطفل للحضارة والإبداع، بيستقبل زواره يوميًا على مدار أيام الأسبوع، اعتبارًا من الساعة 9 صباحًا، والمتحف بيطبق كافة الإجراءات الاحترازية للوقاية من فيروس كورونا المستجد “كوفيد 19”.
عنوان المتحف: القاهرة، مصر الجديدة، 34 شارع أبو بكر الصديق، هليوبليس.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
