Mohamed Talaat
شرب العصير ده إدمان عام. أي حد بيقابل أي محل عصير في أي مكان، لازم يشرب حاجة. وما بالك بقى بالافتكاسات بتاعت العصير، اللي بتتنافس عليها المحلات.
دول أحسن 5 محلات عصير جربناهم، بيعملوا أحسن أنواع العصير، بأجود خامات:
La Fraise
محل عصير كل منتجاته طبيعية 100%، وكمان من أجود الخامات. وعندهم كمان مشروبات صحية لمرضى السكر، أو اللي بيعملوا دايت وبيحافظوا على صحتهم.
العنوان: 55 شارع الحجاز، بجوار مسجد الخلفاء الراشدين – مصر الجديدة
رقم التليفون: 01006815240
صفحة فيسبوك
فرغلي
إذا ذُكِر العصير، ذُكِر فرغلي. ملك العصير في جامعة الدول، من قديم الأزل وهو مشهور بافتكاساته وكوكتيلاته.
العنوان: 71 شارع جامعة الدول العربية – المهندسين.
تليفون: 01003941111
سيتي درينك
له أكتر من فرع. كل فروعه نضيفة جدًا، ومميز في طعم عصائره الطبيعية. وبيتفنن في الكوكتيلات.
الفرع الرئيسي: 72 شارع النصر – ميدان مؤمن – المعادي
رقم التليفون: 0225162855
صفحة فيسبوك
سندباد
يعتبر أفضل محل عصير حاليًا في وسط البلد. ده غير إنه بيقدم كل أنواع الحلويات. العصائر طبيعية والخدمة كويسة. وفيه قعدة في الدور الثاني.
العنوان: 33 شارع قصر النيل، ناصية شارع شريف – أمام البنك المركزي
تليفون: 0223909919
صفحة فيسبوك
أبو عمرو
دايمًا عليه زحمة، وقافل شارع التحرير في الدقي مع سيتي درينك. المكان معروف أنه بيقدم العصائر تيك اواي في العربيات بسرعة البرق. بس رغم زحمته، يستاهل تستنى كوباية العصير من عنده.
العنوان: 126 شارع التحرير – الدقي
رقم التليفون: 0237616178
صفحة فيسبوك
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
