The Definitive Guide to Living in the Capital , Cairo , Egypt

الحياة في كايرو

أشهر “يوزباشي” في الدقي.. مين هو محيي الدين أبو العز؟

شارع محيي الدين أبو العز شخصية محيي الدين أبو العز شوارع الدقي من هو محيي الدين أبو العز
أشهر “يوزباشي” في الدقي.. مين هو محيي الدين أبو العز؟
بواسطة
Mohamed Talaat

بالتأكيد مريت في يوم من شارع محيي الدين أبو العز، اللي بيعتبر واحد من أشهر شوارع حي الدقي بمحافظة الجيزة، وهو الشارع اللي بيحتوي على شركات ومراكز طبية وبنوك ومراكز تسوق كتيرة. لكن هل سألت نفسك قبل كدة مين هو محيي الدين أبو العز؟

تعالوا نتعرف أكتر على الشخص ده.

بتعود تسمية الشارع إلى اليوزباشي محيي الدين أبو العز، اللي تم تكليفه من الرئيس جمال عبدالناصر بتأمين الوزارات والأماكن المستهدفة في سنة 1954، بعد ما حاولت إسرائيل استهداف المصالح الأمريكية والبريطانية في مصر، لمحاولة إفساد العلاقات المصرية- الأمريكية.

وكانت مهمة اليوزباشى محيي الدين أبو العز، هي السبب الحقيقي في ظهور جهاز الرقابة الإدارية في مصر.

الرئيس “عبد الناصر” كان بيثق بدرجة كبيرة في محيي الدين أبو العز، وعينه محافظ للفيوم، وبعدها أطلق اسمه على أهم شوارع الدقي.

معلومات عن الدقي

وحي الدقي هو واحد من أهم أحياء مدينة الجيزة، وهو حي سكني وتجاري حيوي بتمر فيه طرق رئيسية. وزمان كانت الدقي قرية من قرى ريف الجيزة زي معظم أنحاء المحافظة دي، لحد ما دخلت الحيّز الحضري سنة 1964، وبسبب قربها من مدينة القاهرة أصبحت متنفس للأثرياء في الوقت ده، وامتلكوا فيها القصور والمزارع.

وحاليًا بتسمى أغلب الشوارع والميادين في الدقي بأسماء الدول العربية.

وبيرجع تسمية الدقي إلى وجود عائلة الدقي اللي سكنت المنطقة دي من سنين طويلة، واللي كانت جاية من صعيد مصر وتمركزت فيها، لكن بعدها رحلت للأرياف، وبالتحديد للمنوفية.

مقترح