The Definitive Guide to Living in the Capital , Cairo , Egypt

التقلبات الجوية مابقتش مفهومة اليومين دول، وفي الغالب بقى الجو الصبح حمادة والضهر حمادة وبالليل أبو حمادة تاني خالص، وعلشان كده بقينا مش عارفين هنلبس إيه وإحنا خارجين، ويا ترى هيبقى الجو مشمس ولا تراب ولا سقعة ومطر ولا إيه بالظبط، وده طبعًا مايرضيناش، علشان كده هنقولكم على 5 تطبيقات تقدروا من خلالهم تعرفوا الطقس نظامه إيه، وبالتالي تحددوا هتنزلوا من بيوتكم ولا لأ.

The Weather Channel

هتعرفوا من التطبيق ده كل حاجة عن الطقس، والتطبيق بيعتمد على توفير البيانات اللحظية تلقائيًا على حسب مكان تواجدكم، وكمان تقدروا تحددوا درجة الحرارة اللي عاوزينها ويبعت لكم إشعار بيها أول ما يوصل الجو للدرجة دي، وعندهم بث تليفزيوني للطقس عن طريق قناة Weather، ده غير مزايا تانية كتير.

تقدروا تحملوا التطبيق مجانًا لأجهزة أندرويد من هنا.

وبـ4 دولار من غير إعلانات لأجهزة iOS من هنا.

Dark Sky

ده تطبيق مشهور بدقته وتوقعاته عالية، وتقدروا من خلال حركة الرصد تعرفوا التفاصيل الجوية وحركة التغيرات المناخية كل ساعة، وبتوصل المعلومات اللي بيوفرها لمدة أسبوع، ولو فيه أمطار هيبعتلكم تحذير يقولكم خلوا بالكم المطر جالكم.

حملوا التطبيق لأجهزة أندرويد من هنا.

ولأجهزة iOS حملوه من هنا>

Radar Scope

ده تطبيق متخصص شوية ومفيد أكتر لعشاق قراءة الطقس وخبراء الأرصاد، لأنه بيتيح لهم يشوفوا بيانات دقيقة على الرادار، والسرعات للرياح وتحذيرات الفيضانات المفاجئة والعواصف، وحاجات كتير لو عاوزين تعرفوها فالتطبيق ده هو المفيد لكم.

حملوا التطبيق لأجهزة أندرويد من هنا.

ولأجهزة iOS سعره 9.99 دولار، وتحميله من هنا.

Accu Weather

ده يعتبر أسهل تطبيق وبيوفر لكم كل المعلومات اللي محتاجينها وبيدعم ميزة Minute Cast؛ ودي بتتيح لكم تشوفوا أحدث التوقعات دقيقة بدقيقة وبيوفر معلومات عن شروق الشمس وغروبها ومؤشر الأشعة فوق البنفسجية والرؤية وجودة الهواء وغيرها، وسهل أنكم تتحكموا من خلاله في اللي عاوزين تشوفوه.

للتحميل من أجهزة أندرويد هنا.

وiOS من هنا.

1 Weather

التطبيق ده سهل تتابعوا منه الرصد الجوي وأنتم في مكانكم و12 مكان تانيين، وكمان ممكن تدوروا في خرائط الرادار والرسوم البيانية لو فيه حد محترف محتاجها، وبيقدم توقعاته كل ساعة، وتقدروا تعرفوا الأجواء لمدة 10 أيام، وهو بيغطي درجة الحرارة وسرعة الرياح والاتجاه والرؤية والرطوبة والضغط الجوي وغيرها.

للتحميل من أجهزة أندرويد من هنا.

والتحميل لأجهزة iOS من هنا.