The Definitive Guide to Living in the Capital , Cairo , Egypt

الجو في القاهرة الأيام دي جميل جدًا، ودي فرصة حلوة لكل الناس اللي بتحب الخروج أو السهر أو الاستمتاع بالطبيعة من خلال زيارة الحدائق العامة، وعلشان تبقى عارف حالة الطقس من النهارده ولحد نهاية الأسبوع ده,, أنت محتاج تقرأ السطور الجاية.

كشفت الهيئة العامة للأرصاد الجوية عن حالة الطقس المتوقعة من النهارده الاثنين 4 أكتوبر 2021 ولحد يوم الجمعة الجاي، واللي هتشهد استمرار انخفاض درجات الحرارة على كافة الأنحاء.

 والأيام دي، هيسود طقس مائل للحرارة على القاهرة الكبرى والوجه البحري وشمال الصعيد، معتدل الحرارة على السواحل الشمالية، طقس حار على جنوب سيناء وجنوب الصعيد، لطيف ليلًا على شمال البلاد حتى القاهرة الكبرى، معتدل الحرارة على كافة الأنحاء.

 والطقس هيكون مائل للبرودة في الساعات المتأخرة من الليل والصباح الباكر على شمال البلاد حتى شمال الصعيد هويكون فيه شبورة مائية كثيفة في الصباح الباكر لحد الساعة 7 الصبح تقريبًا على الطرق الزراعية والسريعة والقريبة من المسطحات المائية المؤدية من وإلى القاهرة الكبرى والوجه البحري والسواحل الشمالية ومدن القناة ووسط سيناء .

 كمان هيكون فيه نشاط رياح على بعض المناطق على فترات متقطعة وده هيزود من الإحساس بانخفاض درجات الحرارة بليل.

فريق كايرو 360 بيتمنى لكم تستمتعوا بجمال الطقس في العاصمة المصرية.