أهم 3 أماكن لتعليم صناعة الخزف والفخار في القاهرة
أكاديميات تعليم الفخار صناعة الخزف صناعة الفخار مدارس تعليم الخزف والفخار منتجات الفخار/ مشروع صناعة الخزف والفخار
Mohamed Talaat
الخزف والفخار هو فن قبل ما يكون صناعة، فن صنعته أيادي البشر، وبخامات من قلب البيئة، يمكن علشان كدة هو فن صعب تلاقي حد مابيحبوش، وكان رفيق حقيقي للمصريين من آلاف السنين. طيب إيه رأيك تجرب تصنع بنفسك أشكال جميلة من الخزف والفخار؟
وخد بالك؛ الفخار أصبح فن مطلوب جدًا في السوق المصري والعربي والعالمي كمان! يعني ممكن يكون مشروع ناجح جدًا.
اتعرفوا على أهم 3 أماكن في القاهرة لتعليم فن صناعة الخزف والفخار.
مدرسة عابدين للفخار والخزف
نقدر نقول إن مدرسة عابدين للفخار والخزف هي أهم مكان بيعلم صناعة الفخار في العاصمة المصرية. هتتعلم عندهم صناعة الخزف والفخار على إيد محترفين بجد، وهتقابل ناس بتشاركك نفس اهتمامك بالفن ده.
المدرسة موجودة في مصر القديمة، وبالتحديد في قرية الفخارين خلف كنيسه ماري جرجس بجوار درب 17/18. وتليفونهم: 01222931324.
بيت الخزف المصري
بيت الخزف المصري موجود في الزمالك، وده مكان بيوفر للمهتمين مجموعة من الورش والدورات التدريبية اللي بتؤهلك لدخول مجال صناعة الفخار.
بيت الخزف المصري موجود داخل حديقة أطفال الزمالك بشارع أم كلثوم، وتليفونهم: 01100753035.
مركز الحرف بالفسطاط
مركز الحرف هو مكان مصري أصيل في مصر القديمة، هتتعلم هناك مجموعة كبيرة من الحرف التقليدية، ومنها طبعًا صناعة الفخار والخزف.
المركز موجود في 1 شارع الإمام مالك، الديورة، حي مصر القديمة، وتليفونه: 0223633018.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
