The Definitive Guide to Living in the Capital , Cairo , Egypt

في وقت متزامن مع خدمة كريم باص اللي أطلقتها شركة كريم من ساعات، واللي تقدروا تعرفوا كل تفاصيلها من هنا، شركة أوبر، أعلنت هي كمان عن إطلاق خدمة “أوبر باص”، اللي هتبدأ في القاهرة، لأول مرة في العالم كله. وقالت شركة أوبر، إن القاهرة هي أول مدينة على مستوى العالم بيتم تشغيل خدمة أوبر باص فيها.

وهتنطلق خطوط خدمة أوبر باص في مناطق مدينة نصر والمهندسين ووسط البلد، كمرحلة أولى.

اعرفوا تفاصيل أكتر عن الخدمة وأسعارها من هنا.

كمان الشركة هتطلق تطبيق أوبر لايت اللي بيشتغل على كل الهواتف المحمولة، سواء الهواتف الذكية أو التقليدية، لتسهيل استخدامه أمام كل العملاء.

ومن المتوقع انطلاق كل الخدمات دي في مختلف مدن الشرق الأوسط خلال الشهور الجاية.

وفيه شوية إحصائيات مهمة الشركة أعلنت عنها في مؤتمر صحفي يوم الثلاثاء، زي مثلًا إن أوبر وفرت وظائف لحوالي 90 ألف مصري كل شهر، 40% منهم ماكنش عندهم شغل قبل كده.

كمان أوبر بتستثمر أكثر من 100 مليون دولار في مركز خدمة العملاء والسائقين في مصر، اللي بيشتغل فيه 600 موظف.

وأوبر بتقول إنها بتحاول مساعدة مصر في حل مشكلات الزحام المروري، وتوفير وسائل مواصلات جيدة ومتوفرة.

وأخيرًا أوبر سجلت حوالي 10 مليارات رحلة كاملة لحد يونيو اللي فات.