The Definitive Guide to Living in the Capital , Cairo , Egypt

أول خريطة للسياحة العلاجية في القاهرة.. وكمان بطريقة “برايل”
بواسطة
Cairo 360

السياحة العلاجية أو Medical tourism هي نوع من أنواع السياحة بيتوجه فيها الشخص لأماكن مشهورة بتقديم الرعاية الصحية الطبيعية زي العيون الحارة، حمامات المياه الكبريتية، أو الرمال السخنة والطين، بهدف العلاج والاسترخاء والترفيه.

والسياحة العلاجية منتشرة في مصر، ومؤخرًا أعلنت المؤسسة المصرية للسياحة العلاجية والاستشفاء البيئي عن طباعة أول دليل وخريطة عن السياحة العلاجية والاستشفائية في مصر، وفيها جزء كبير عن السياحة العلاجية في القاهرة.

وطبعًا كلنا عارفين أن القاهرة فيها منطقة مهمة جدًا في مجال السياحة العلاجية.. أيوة بالظبط.. حلوان.

المؤسسة كمان أعلنت أنها هتقدم نسخة من الخريطة دي للأشخاص ذوي الإعاقة البصرية بطريقة “برايل”.

الخريطة دي مش شغل يوم أو اتنين، لأن المادة العلمية للخريطة دي بيتم جمعها من 2008، المؤسسة بتستعد كمان لتسجيل المواد الخاصة بالخريطة بالصوت، لبثها على بعض إذاعات الراديو بهدف الترويج للسياحة العلاجية والاستشفائية في مصر.

علشان تشوف خريطة السياحة العلاجية في مصر اضغط هنا.

الصورة: العلاج في بحيرة الملح في تركيا
الصورة: العلاج في بحيرة الملح في تركيا

وعلشان تحصل على نسخة مطبوعة من الخريطة المهمة دي، تقدر تزور مقر المؤسسة المصرية للسياحة العلاجية والاستشفاء البيئي في 50 شارع جزيرة العرب، المهندسين.

تليفون: 002233047337

 

مقترح