The Definitive Guide to Living in the Capital , Cairo , Egypt

أول كمبيوتر تعليمي بإيد مصرية 100%
بواسطة
Omar Abd-elmaqsoud

نماذج كتير جدًا مشرفة وموجودة في بلادنا، ومن النماذج دي العالم المصري والأستاذ في كلية الهندسة في جامعة الفيوم الدكتور “محمد محمود إبراهيم” اللي صمم أول كمبيوتر تعليمي مصري 100% واللي ساعده في كده منصبه ككبير مهندسي مركز تصميم المعماريات في مجموعة “هيتاشي” اليابانية.

وفي حوار مع صحيفة الشروق قال الدكتور محمد عن فكرته إنها بدأت في مؤتمر “مصر تستطيع”  سنة ٢٠١٨، وبعد كده اتحولت الفكرة لحقيقة برعاية مصرية من الألف للياء وبحقوق ملكية فكرية مصرية.

فكرة الدكتور “محمد” مش واقفه بس عند نقطة إننا نعمل منتج مصري 100% ومنافس لغيره من المنتجات حوالين العالم، لأ ده كمان الهدف منها إن طلاب كليات الهندسة ياخدوا مهارة تصميم “الهارد وير” أو “المحتويات الداخلية” للكمبيوتر، مش بس “السوفت وير” أو “برمجته”.

الدكتور “محمد ” سبق وصمم كمبيوتر للقمر الصناعي المصري، وصمم كمان نظام متعدد المعالجات على مصفوفة البوابات المبرمجة حقليًا، واختبره في مفاعل نووي في اليابان.

 

مقترح