إزاي تقدم في أهم الجامعات المصرية الجديدة حتى لو ظروفك المادية بسيطة؟
بنك القاهرة جامعة الجلالة جامعة العلمين جامعة المنصورة الجديدة قرض التعليم منح الجامعات الأهلية منح دراسية
Mohamed Talaat
في الفترة الأخيرة، ظهرت في مصر جامعات أهلية مهمة بتنافس أهم الجامعات العالمية، ومن الجامعات المصرية دي: (الجلالة – العلمين – الملك سلمان الدولية – المنصورة الجديدة)، واللي بتقدم تخصصات جديدة ومميزة ومطلوبة بشكل كبير في سوق العمل المصري والعربي والعالمي.
لكن المشكلة اللي بتقابل كتير من الطلاب المصريين، هي إن مصاريف الجامعات دي مش قليلة، بسبب مستوى التعليم المميز اللي بتقدمه.
ولو ظروفك المادية بسيطة، ونفسك تلتحق بالجامعات دي، عندك طريقتين للتقديم:
الطريقة الأولى هي إنك تلاقي منحة دراسية مجانية في الجامعات الأهلية، وبالفعل كل جامعة منهم بتوفر منح دراسية للطلاب المتميزين، اللي حاصلين على مجموع كبير في الثانوية العامة، بشرط يكونوا شاركوا في أنشطة مهمة لتطوير مجتمعهم.
وتقدروا تدخلوا موقع كل جامعة من الجامعات الأهلية الجديدة علشان تعرفوا شروط المنح الدراسية. وكمان هتلاقوا كل الشروط في اللينك ده.
الطريقة التانية للدراسة في الجامعات دي هي الحصول على قرض من أحد البنوك المصرية، وبالفعل أعلنت وزارة التعليم العالي والبحث العلمي، مؤخرًا، عن توقيع بروتوكول تعاون مع بنك القاهرة، بمقر الوزارة.
بيقدم البنك من خلال البروتوكول ده، منح دراسية للطلاب ومعامل الحاسب الآلى، للجامعات الأهلية الجديدة (الجلالة – العلمين – الملك سلمان الدولية – المنصورة الجديدة).
وعلشان تعرفوا كل حاجة عن شروط القرض ده تقدروا تتواصلوا مع بنك القاهرة من خلال الرقم ده: 16990
مقترح
فن وثقافة
في الويك إند.. دليلك للسفر في رحلة بصرية مبهرة مع توت عنخ آمون
الجيزة المتحف المصري الكبير +5
معالم وسياحة
