إعادة الجمال لقلب العاصمة.. اتعرفوا على خريطة تطوير القاهرة التاريخية
أخبار القاهرة القاهرة التاريخية تطوير العاصمة المصرية تطوير القاهرة تطوير القاهرة الفاطمية خريطة تطوير القاهرة
Mohamed Talaat
الحكومة المصرية بتنفذ حاليًا مجموعة من المشروعات الضخمة والمهمة اللي هتغير ملامح العاصمة وهترجع لها جمالها من جديد، ومن أهم المشروعات دي مشروع تطوير القاهرة التاريخية اللي بيهدف لإعادة الجمال لقلب العاصمة.
في الموضوع ده هنعرفكم على خريطة المناطق اللي هيتم تطويرها في القاهرة التاريخية، وهم بحسب تقرير حديث نشره موقع اليوم السابع 5 مناطق، تعالوا نعرفهم مع بعض.
المنطقة الأولى
هي المنطقة المحيطة بمسجد الحاكم وباب النصر وباب الفتوح على مساحة 14 فدان، وحدودها هي شارع الجمالية شرقًا وشارع المعز غربًا وشارع الضبابية جنوبًا.
المنطقة الثانية
ودي منطقة جنوب باب زويلة، على مساحة 8.5 فدان، وبتشمل المنطقة المحصورة بين شارع أحمد ماهر والدرب الجديد شمالًا،لحد عطفة السبكي جنوبًا وبتضم منطقة قصبة رضوان والخيامية ولحد حمام القربية.
المنطقة الثالثة
أما المنطقة الثالثة فهي حارة الروم وباب زويلة، على مساحة 8 أفدنة، وهي المنطقة الواقعة خلف وكالة نفيسة البيضاء ولحد حارة الروم شمالًا وجنوبًا ولحد شارع أحمد ماهر والدرب الجديد.
المنطقة الرابعة
ودي المنطقة المحيطة بمسجد الحسين، وبتشمل المنطقة المحددة بشارع الأزهر جنوبًا وشارع سيد الدواخلي شرقًا ومن الغرب شارع أم الغلام والدرب الأحمر، وشمالًا ولحد تقاطع شارع قصر الشوق مع الجمالية بمساحة 13.7 فدان.
المنطقة الخامسة
نيجي بقى للمنطقة الأخيرة، وهي منطقة درب اللبانة على مساحة 10.5 فدان، واللي بتشمل منطقة قلب درب اللبانة المحددة بشارع سكة الكومى شرقًا وسكة المحجر وميدان صلاح الدين (ميدان القلعة) جنوبًا، بالإضافة للجزء المطل على شارع الرفاعي غربًا.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
