Cairo 360
الإدارة العامة لمرور القاهرة بدأت إغلاق جزئي لمحور صلاح سالم، لمدة 50 يوم، بسبب أعمال الكهرباء. وده علشان التغذية الكهربائية لمبنى كلية الشرطة في العباسية.
المشروع هيتنفذ على عدد من المراحل، والإداراة العامة لمرور القاهرة هتعين الخدمات المرورية اللازمة، لمواجهة إي كثافة أو زحمة مرورية.
واﻷعمال دي هتكون من محطة محولات العباسية في شارع الأمير قرقماش، في تقاطعه مع شارع صلاح سالم، من تحت كوبري الفردوس في الاتجاهين، ثم يمين ما بين نفق الفردوس وحديقة الفردوس، لحد ما توصل لتقاطع شارع المستشفى اليوناني وشارع المساحة الجيولوجية، وبعدين في أعلى الرصيف في طريق صلاح سالم، وبعدع شمال شارع السكة البيضاء، مع تقاطع شارع السكة البيضاء، عند تقاطعه مع شارع فخري عبد النور لحد أعلى الرصيف بشارع فخري عبد النور وصولاً لكلية الشرطة بالعباسية
كمان الشركة المنفذة للمشروع، هتحط المساعدات الفنية والأقماع والإضاءات الكافية. وجميع التجهيزات اللي بتبين وجود أعمال في المنطقة.