The Definitive Guide to Living in the Capital , Cairo , Egypt

عاش على أرض مصر على مر التاريخ أهم رجل الدين وأكثرهم علمًا، واللي كان عندهم قدرة كبيرة في تعليم الدين بشكل بسيط وعصري للجميع، ومن ضمن العلماء اللي عاشوا على أرض مصر، الليث بن سعد إمام وفقيه مصر، في السطور الجاية هنعرفكم على حكاية ضريح إمام وفقيه مصر اللي اتعرضت عليه ولاية مصر مرتين ورفض علشان يظل متفرغ للعلم والدين.

الإمام والفقيه الليث بن سعد عرف أنه علم من أعلام السلف الصالح، وكان سخي وكريم في العلم، تربى على الكتاب والسنة وكان حريص على اتباعهم ونشرهم، ومن صغر سنه كان معروف لكل الفقهاء الكبار وكانوا بيثنوا عليه وعلى علمه وخلقه وكرمه، وكانوا بيقولوا أنه (فقيه البدن، عربي اللسان، يحسن القرآن والنحو، ويحفظ الشعر والحديث، وحسن المذاكرة).

أما عن ضريح الإمام الليث بن سعد فهو موجود في منطقة عين الصيرة، وهو من الآثار الإسلامية الفريدة، وداخل الضريح فيه كمان 3 مقابر واحدة لأم السلطان الكامل وعليها تابوت من الخشب يشبه تابوت الإمام الشافعي، والثانية للسلطان الكامل، وحول المقبرة مقصورة مطعمة بالصدف، أما الثالثة فمدفون فيها السيد محمد بن عبد الحكم، وبتتميز قبته بالنقوش الملونة وهي مبنية بالرخام من الداخل.

وللإمام ابن سعد مسجد تم بناءه في عصر الدولة الأيوبية، وهو على شكل مستطيل وفيه أكتر من مدخل، وعلشان توصلوا للمدخل الأول بتنزلوا سلم صغير، وبعديه مدخل من الخارج بيوصل لطرقة كبيرة فيها عمودين من الرخام، والباب الثالث فيه مصرعان من الخشف وزخارف محفورة بعمق، وبيوصل للمسجد المستطيل مباشرة وبينتهي المسجد بحائط القبلة والمحراب والمنبر.

العنوان: يقع مسجد الإمام الليث بشارع الإمام الليث بمنطقة عين الصيرة بالقاهرة.