“إيج أند تشيييييز”.. 5 أماكن لأحلى صور مع أجواء السنة الجديدة
أفضل أماكن الخروج أماكن الكرسماس في القاهرة احتفالات السنة الجديدة في القاهرة مولات القاهرة
Cairo 360
رنا شرف
احتفالات السنة الجديدة أصبحت حاجة مميزة وواضحة في القاهرة! والأيام دي لما تمشي في أي شارع أو ميدان أكيد هتحس بأجواء رأس السنة. وفي الوقت ده من السنة بنبقي عايزين نوثق خروجاتنا بصور حلوة نفتكرها في يوم مع ذكرياتها الجميلة.
جبنا لكم 5 أماكن في القاهرة تتصوروا فيها أحلي صور وهتظهر فيها بهجة رأس السنة المتمثلة في الأضواء الجميلة، وبابا نويل، وشجرة الكريسماس وغيرها من تفاصيل السنة الجديدة.
كابيتال الشيخ زايد
مول كبير ومكان مميز فيه كافيهات ومحلات كتير وكمان الزينة والشجر موجودين في كل تفاصيل المكان الفترة دي. وكل جمعة وسبت فيه باند بيغني هناك. حقيقي هتستمع بجو أشبه بجو ديزني الخيالي.
كايرو فيستيفال
من أشهر المولات اللي فيها بهجة طول السنة، وهناك هتلاقوا النافورة الراقصة. بس في الأيام دي من السنة فيه زينة وأشجار الكريسماس والقطر الصغير اللي بيلف المول. هناك هتفرح بالسنة الجديدة فعلًا.
سيتي ستارز
من المولات القديمة اللي لسه محتفظة بجمهور كبير، الأيام دي المكان فيه جو مبهج بمناسبة احتفالات السنة الجديدة، وممكن تتصور هناك صور حلوة ومبهجة مع حبايبك.
ووك أوف كايرو
الشيخ زايد فيها مكان عظمة اسمه “ووك أوف كايرو”، الجو هناك جميل واحتفالات رأس السنة هناك غير! هناك هتتصور صور جميلة مع مظاهر رأس السنة المبهجة.
الكوربة
بعيد عن المولات الكوربة كل سنة بتتزين بأحلي زينة للسنة الجديدة، وبتنور فعلًا. الكوربة فيها كافيهات كتير شوف الكافية اللي تحب تروحه ومهما كان اختيارك هتقدر تاخد أجمل صور مع مظاهر الاحتفالات الجميلة اللي موجودة في كل ركن هنا.. المكان نفسه تحسه فرحان!
وفي النهاية بنتمنى لكم سنة سعيدة وصور حلوة ومميزة ماتتنسيش!
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
