The Definitive Guide to Living in the Capital , Cairo , Egypt

في النص الثاني من شهر ديسمبر اللي فات، عملنا استفتاء لجمهور كايرو 360 على صفحتنا على فيسبوك، طلبنا منهم يختاروا أفضل أفلام 2017. من بين 10 أفلام، من أهم الأفلام اللي تم عرضها في سينمات القاهرة في عام 2017.

وبعد انتهاء التصويت، جت النتيجة بفوز فيلم “الخلية” بالمركز الأول. واللي قريب هنعمل حوار خاص مع بطله، الفنان أحمد عز.

دلوقتي تعالوا نعرف مراكز الأفلام في التصويت:

في المركز الأول طبعًا زي ما قولنا لكم فيلم الخلية. الفيلم من بطولة: أحمد عز – أمينة خليل. إخراج: طارق العريان. وتأليف: صلاح الجهيني.

الفيلم بيدور عن ضابط العمليات الخاصة (سيف)، اللي بيفقد صديقه في هجوم إرهابي. وبيصمم على الانتقام لموته.

في المركز الثاني هنلاقي فيلم هروب اضطراري. من بطولة أحمد السقا وأمير كرارة. الفيلم بيدور عن جريمة قتل بيروح ضحيتها رجل أعمال معروف. وبيتم اتهام أبطال الفيلم بارتكابها. واللي بيحاولوا بدورهم يثبتوا برائتهم.

المركز الثالث كان من نصيب فيلم تصبح على خير. من بطولة النجم تامر حسني ونور. الفيلم بيحكي قصة مهندس مشهور بيعاني من مشاكل في حياته. وبيلجأ لجهاز بيخليه عايش في عالم الأحلام.

وعن باقي المراكز:

المركز الرابع: جواب اعتقال – الكنز

المركز الخامس: مولانا

المركز السادس: القرد بيتكلم

المركز السابع: الأصليين – شيخ جاكسون

المركز الثامن: بشتري راجل.

مبروك لصناع فيلم الخلية جائزة أوسكار كايرو 360.