The Definitive Guide to Living in the Capital , Cairo , Egypt

محافظة القاهرة عملت 6 مبادرات مختلفة ومهمة، علشان تساعد في تنمية وتطوير المجتمع. وطبعًا ده مايكملش من غير مشاركة إيجابية في جانبنا كأفراد، علشان الأهداف المطلوبة تتحق. والمبادرات دي هي:

1- تشكيل اتحاد الشاغلين للمناطق

اتحاد الشاغلين كان من أهم المبادرات اللي قامت بها المحافظة، علشان تحافظ على العقارات الأثرية من حوادث الانهيار. وكنا عرفنا كم بالمبادرة دي من فترة في المقال ده. والمشروع عمل مردود كبير لما بدأ في منطقة البورصة. وده اللي دفع المحافظة لتعميمه في باقي المناطق.

2- خليك زي آدم

دي من أهم مبادرات المحافظة، اللي بتشجع على تعديل الجانب السلوكي تجاه النظافة، والمشاركة المجتمعية. ونشرتها المحافظة في كل المدارس والنوادي والأماكن العامة.

3- الحفاظ على المياه

المحافظة عملت دور كبير في تحذير الناس من مشكلة المياه. وبعد تفعيل الغرامة، نجحت في توفير 250 ألف متر مكعب من الاستهلاك اليومي للمياه. من أصل مليون متر مكعب.

4- الرصيف من حق المشاة

معروف إن إخلاء الأرصفة بيكون عن طريق حملات الإشغالات والمرافق. لكن المحافظة نظمت المبادرة دي، علشان تخلي المواطنين يشاركوا في إخلاء الأرصفة، ويكونوا على وعي بحقوقهم.

5- نظافة أسطح العقارات

تنظيف أسطح العمارات والعقارات المختلفة، شيء مهم. وبيحافظ منظر جمالي يريح العين. وعلشان كده المحافظة نظمت حملة لتنظيف أسطح العقارات. وكلفت رؤساء الأحياء بمساعدة المواطنين وتسهيل مهماتهم. وكمان وفرت أوناش لمناطق مختلفة. وكان من أبراز الأحياء اللي شاركت بإيجابية، حي مصر الجديدة.

6- سكتك خضرا

بما إن القاهرة بتعاني من التكدس المروري بشكل كبير، المحافظة عملت مبادرة “سكتك خضرا”. اللي بتقوم على استخدام العجل في المشاوير المختلفة. وتوفير جراش خاص بها. وده بالتالي بيقلل من الزحمة. المحافظة كمان اتعاقدت مع الأمم المتحدة لاستقدام 600 عجلة. هيتم استخدامها في منطقة وسط البلد. وهيكون توريدها خلال أسابيع.