الحياة في كايرو
اعرفوا 5 معلومات عن مسلة ميدان التحرير
آثار تطوير ميدان التحرير مسلة رمسيس الثاني ميدان التحرير
بواسطة
Mohamed Talaat
تصوير: خالد دسوقي
الحكومة المصرية بتسعى انها تحول ميدان التحرير لمزار سياحي مميز زي ميادين العالم الشهيرة، علشان كده هيتزين الميدان قريب جدًا بمسلة بدل ساري العلم المصري اللي في الميدان، واللي اتشال بالفعل حاليًا استعدادًا لتركيب المسلة اللي هيكون وزنها 90 طن ومتقسمة لـ8 أجزاء وطولها 17 متر، وفي السطور اللي جاية هنقولكم على 5 معلومات مهمة عن المسلة دي.
1- المسلة كانت موجودة في منطقة صان الحجر التابعة لمحافظة الشرقية واتنقلت من هناك.
2- المسلة منحوتة من حجر الجرانيت الوردي، وبتمثل الملك رمسيس الثاني وهو واقف أمام أحد المعبودات.
3- الجزء العلوي للمسلة على شكل هرمي.
4- هيتم تثبيت قاعدة بارتفاع 8 متر فوق الأرض علشان تتحمل عليها المسلة.
5- أعمال تثبيت المسلة وتجميعها هتاخد 3 شهور.
