The Definitive Guide to Living in the Capital , Cairo , Egypt

عشاق تاريخ القاهرة عددهم كبير، والمتاحف والأماكن الأثرية المختلفة بالنسبة لهم واحدة من أجمل الخروجات على الإطلاق، وفي رمضان المواعيد بتتغير علشان تناسب ساعات الصيام وموعد الإفطار، علشان كدة هنعرفكم في الموضوع ده مواعيد عمل المتاحف والمناطق الأثرية في رمضان 2024.

المتاحف

خلال شهر رمضان لعام 2024 هتكون المتاحف مفتوحة من الساعة 9 صباحًا ولحد الساعة 3 عصرًا، باستثناء المتحف المصري بالتحرير واللي هيكون شغال من الساعة 9 صباحًا ولحد الساعة 4 عصرًا.

المناطق الأثرية

كمان تم تحديد مواعيد عمل المواقع الأثرية المختلفة خلال شهر رمضان 2024، واللي هتكون مفتوحة من الساعة 9 صباحًا ولحد الساعة 4 عصرًا، باستثناء الهرم وسقارة وقلعة صلاح الدين بالقاهرة اللي هتبدأ مواعيد الزيارة من الساعة 8 صباحًا وهتستمر لحد الساعة 4 ونصف عصرًا.