The Definitive Guide to Living in the Capital , Cairo , Egypt

لو كنت من عشاق نيل القاهرة، فأكيد أنت منتظر افتتاح المشروع السياحي الأهم في العاصمة، واللي هيقربك من النيل، وهو ممشي أهل مصر، اللي هيتم افتتاح المرحلة الأولى منه يوم الجمعة القادم.

تعالوا نتعرف أكتر على تفاصيل المشروع ده ونعرف فعاليات الافتتاح:

1 – مشروع ممشى أهل مصر هيمتد من كوبري أمبابة ولحد كوبري 15 مايو، وهيكون بطول 1.8 كم، وهو أهم متنفس للمصريين على نيل القاهرة، وهيكون متنزه عالمي هيضم كتير من الأنشطة الترفيهية والثقافية والرياضية، وهتستمر فاعليات الافتتاح لمدة 3 أيام.

2 – هتبدأ الفعاليات باحتفالية كبيرة لأهم نجوم الغناء في مصر والعالم العربي بالإضافة لاستعراض ضخم هيقام لأول مرة من الألعاب النارية، وهيقام الاحتفال علي أول مسرح عائم مجهز بأعلى تقنية وسط النيل ليميز ممشى أهل مصر بكل ما هو جديد في مجال الفاعليات و الاحتفالات.

3 – المشروع هدفه تحسين جودة الحياة المصريين، وزيادة نصيب الفرد من المسطحات الخضراء والمساحات المفتوحة للتنزه والترويح عن النفس، وهيتكون من وحدات للأنشطة التجارية والسياحية والترفيهية والخدمية والمسرح الترفيهي، وأماكن انتظار السيارات، والمرسى النهري للمركب السياحي ومناطق الخدمات.

4 – هيضم الممشى كتير من المطاعم والكافيهات المحلية والعالمية، وكتير من المحلات التجارية اللي هتخدم المواطن المصري وتوفر لزوار القاهرة وأهلها فرصة للتنزه على ضفاف النيل.

 5 – قامت الهيئة الهندسية للقوات المسلحة بتنفيذ المشروع على أكمل وجه، من حيث الإنشاء والتنفيذ والتصميم، واهتمت بتزويده بكل العناصر المبهرة علشان يكون واجهة حضارية على ضفاف نهر النيل للمساهمة في الحركة السياحية بمنطقة وسط القاهرة.

6 – هيستقبل الممشى جميع الأعمار من الشباب والعائلات والأطفال للاستمتاع بعروض يوم الافتتاح اللي هتشمل فعاليات مبهرة وفقرات مميزة، بجانب تنظيم عدد من الأنشطة الرياضية منها مارثون للجري.

7 – هيتضمن المشروع ممشى علوي بعرض 4.5 متر، وواحد تاني سفلي بعرض 6.5 متر بمساحة إجمالية 7.066 متر مربع، وهيحتوي على عدد 90 وحدة تجارية مقسمة إلى محلات تجارية ومطاعم وكافتيريات، بالإضافة إلى مسرح مفتوح بمساحة 434 متر مربع فيه عدد 3 مدرجات بأجمالي مساحة 315 متر مربع وبيتسع ل 1240 زائر.