The Definitive Guide to Living in the Capital , Cairo , Egypt

جربنا قبل كده في كايرو 360 “المطعم المظلم” واللي تجبرته كانت فريدة إننا ناكل في الظلام الدامس، والحقيقة كانت تجربة شيقة، والنهاردة حايين نقولكم على مكان جديد اسمه Dialogue in The Dark Egypt اللي هيخليكم تشوفوا الحياة من منظور مختلف، وهتختبروا من خلال التجربة الجديدة دي مواقف من حياتكم في الظلا وهتعيشوا أجواء مختلفة، وخلال السطور اللي جاية هنقولكم على كل اللي محتاجين تعرفوه عنهم.

Dialogue in The Dark Egypt مش مجرد مكان ترفيهي وتجربة جديدة، لكن كمان هو بيخليكم تعملوا اعادة استكشاف للبيئة اليومية وتفاصيل يومكم من خلال استخدام 4 حواس “اللمس – السمع  – التذوق – السمع”، وده عن طريق غرفة مصممة مخصوص لكده، وفي الحقيقة رغم أن التجربة دي جديدة في مصر إلا أنها موجودة في 39 دولة حول العالم.

في التجربة الفريدة دي هيبقى عندكم فرصة استكشاف الأشياء بدون ما تشوفوها، وهتتعلموا تتحركوا في الظلام من خلال الاستعانة بعصاية بيضاء ومساعد من ذوي الهمم “المكفوفين”.

المكان ملك لجمعية النور والأمل للمكفوفين الشهيرة، وهي بشكل كبير بتعتمد على الجروبات علشان تبقى تجربة فريدة ومميزة، ولكن كمان متاح أنكم تروحوا كأفراد، والمجموعات بتكون بحد أدنى 3 أفراد، وحد أقصى 7 أشخاص، والتجربة متاحة لكل الأعمار بداية من عمر 10 سنين.

تقدروا تعرفوا أكتر عنهم من خلال صفحة الفيسبوك من هنا.