The Definitive Guide to Living in the Capital , Cairo , Egypt

الفترة دي، بتحتفل مصر بمرور سنة على افتتاح المتحف القومي للحضارة المصرية، واللي أصبح علامة مهمة من علامات مصر بشكل عام، والقاهرة بشكل خاص، وبالمناسبة دي تعالوا نتعرف على 3 أرقام بيختصروا قصة نجاح المتحف من وقت افتتاحه يوم 3 أبريل 2021 ولحد النهارده.

 

1 – 800 ألف زائر

بحسب تصريح للدكتور أحمد غنيم الرئيس التنفيذي لهيئة متحف الحضارة، تخطى عدد زوار المتحف الـ ٨٠٠ ألف زائر من وقت افتتاحه في أبريل 2021 ولحد النهاره، وده يعتبر رقم قياسي لمتحف مصري.

2 – 12 ألف زائر في يومين

أعلى رقم زيارة يومي حققه المتحف خلال الفترة اللي فاتت، كان ١٢ ألف زائر، والرقم ده كان خلال يومين بس.

3 – عشرات الأنشطة

كمان كشف الرئيس التنفيذي لهيئة متحف الحضارة، أنه تم عمل أكثر من ٢٠ فعالية ثقافية في المتحف من وقت افتتاحه، بالإضافة إلى ٦٠ ورشة وأنشطة للأطفال من ذوي الهمم .

 

جدير بالذكر إن المتحف القومي للحضارة المصرية بيتميز بعرض مجموعات أثرية فريدة، بتبلغ حوالي 50 ألف قطعة أثرية من مختلف عصور مصر القديمة وحتى التاريخ المعاصر، ونقدر نقول إن أهمها هي المومياوات الملكية اللي بيتم عرضها في المتحف بشكل تفاعلي جديد باستخدام أحدث التقنيات التكنولوجية، واللي بتكشف لنا عن كتير من أسرار المومياوات الملكية.