الانتهاء من 98% من أعمال المتحف المصري الكبير وافتتاح قصر البارون خلال أسابيع
آثار المتحف المصري الكبير سياحة قصر البارون قصور مصرية متاحف مصرية مصطفى وزيري
Cairo 360
واضح إن سنة 2020 هتكون سنة مميزة لعشاق الآثار والسياحة والخروجات للأماكن التاريخية المهمة، وده لأن السنة دي هتشهد افتتاح المتحف المصري الكبير وكمان قصر البارون.
وبحسب تصريح إعلامي للدكتور مصطفى وزيري، الأمين العام للمجلس الأعلى للآثار، تم الانتهاء من 98% من أعمال الإنشاءات والأعمال الخارجية للمتحف المصري الكبير، وكمان تم نقل أكثر من 49 ألف قطعة أثرية للمتحف لحد النهارده.
وزيري كشف إن نقل القطع الأثرية بيتم بالتدريج لداخل المتحف سواء من المخازن أو من المتحف المصري في التحرير أو من الاكتشافات اللي بيتم العثور عليها في الفترة الأخيرة.
الأمين العام للمجلس الأعلى للآثار أكد كمان إن الوزارة بتقوم بتنفيذ عدد من المشروعات المهمة التانية زي أعمال تطوير قصر البارون، اللي كشف إنه تم الانتهاء تمامًا من أعمال تطويره، وهيتم افتتاحه خلال أسابيع، وقال إن عملية التطوير اتكلفت أكتر من 150 ميلون جنيه.
شوفوا الفيديو من هنا:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
