الجو حر؟ 5 أماكن في القاهرة عندهم أحلى آيس كريم
آيس كريم آيس كريم في القاهرة أفضل أماكن بيع الآيس كريم مرطب الصيف
Mohamed Talaat
درجة الحرارة العالية الصيف ده مشكلة بيواجهها الكل! مافيش حد قادر يستحمل وكله بيهرب للمياه والهواء في شمال العاصمة سواء بيرحوا إسكندرية أو الساحل أو حتى مرسى مطروح، ولكن في كل الأحوال الشمس في النهار سخنة جدًا ومش محتاجين نعرفكم أننا في ذروة الصيف ومحتاجين أننا نرطب على نفسنا ونحارب الحرارة اللي بتفرهدنا، وعلشان كده هنقولكم على 5 أماكن في القاهرة تقدروا تاكلوا من عندهم أحلى آيس كريم يلطف الجو معاكم.
ماندرين قويدر
فروعه كتير وبيبيع آيس كريم مميز وكل موسم عنده اختراعات جديدة وبيطور من منتجاته دايمًا ولما تاكلوا آيس كريم من عنده هتحسوا بانتعاش جميل.
تقدروا تعرفوا عنه أكتر من خلال صفحة الفيسبوك من هنا.
Coldstone Creamery
الحاجة أم الاختراع وColdstone أحسن حاجة عندهم اختراعاتهم واللي مرة تصيب ومرة تخيب، بس الحاجة المميزة عندهم أن الطعم دايمًا بيكون له محبين بيجربوه وبيتفقوا عليه.
تقدروا تعرفوا أكتر عنهم من خلال صفحة الفيسبوك من هنا.
العبد
على الرغم من أنه شعبي أكتر إلا أنه بيقدم آيس كريم بجودة عالية وماينفعش تعدوا على فرع لهم إلا لما تشتروا من عندهم آيس كريم خاصة في الجو الحر لأنه مرطب بشكل قوي على الجسم.
تقدروا تعرفوا أكتر عنهم من خلال صفحة الفيسبوك من هنا.
Dara’s
ماينفعش تاخدوا من عندهم آيس كريم بدون ما يكون ميكس! لازم حاجة وعليها حاجة، وهما عندهم خبرة كبيرة في الميكسات تخلي أي حاجة تطلبوها مميزة وطعمها لطيف وأكيد هترطب عليكم وهتحاربوا الصيف بالآيس كريم بتاعهم.
تقدروا تعرفوا أكتر عنهم من خلال موقعهم الالكتروني من هنا.
عبد الرحيم قويدر
بشكل شخصي بنعتبر عبد الرحيم قويدر أجمل آيس كريم في محيط وسط البلد علشان الطعم والجودة والخدمة وحاجات كتير، ولو قررنا ناكل آيس كريم في محيط وسط القاهرة أول اختيار بيكون هو وبنوعدكم أنكم هتنبسطوا من الآيس كريم بتاعهم.
تقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
