الحبال العالية – High Ropes: أحلى مكان في القاهرة لعشاق الجبال والمغامرة
أماكن في القاهرة المقطم تسلق حبال في الجبل خروجات القاهرة خروجة مختلفة دير سمعان فريق ماريو مغامرة
Cairo 360
تعرف إن القاهرة فيها مكان جميل تقدر تروحه وتتسلق فيه جبال وتحس إنك طاير، وكل ده بمساعدة حبال هتخليك توصل للسما وهتزود ثقتك في نفسك تخليك تتحدي أي مخاوف جواك؟
أيوة فعلًا.. المكان ده موجود في القاهرة.. فين؟ إحنا هنقول لك في السطور الجاية.
المكان اللي هنتكلم عليه فيه ناس بتسافر مخصوص دول خارج مصر عشان تخوض مغامرات تسلق الجبال، وما يعرفوش إن فيه مكان بيوفرها لهم جنبهم في القاهرة.. وبالتحديد في المقطم عند دير سمعان الخراز.
والجميل إن الألعاب اللي بيوفرها المكان رخيصة جدًا يعني ممكن تلعب كل الألعاب وتدفع مبلغ مش هيزيد عن 300 جنيه.
أول ما توصل الدير تقول للأمن إنك عاوز فريق ماريو، وماريو ده شخص أجنبي عايش في مصر من كذا سنة وعمل المشروع ده في الدير علشان الناس تنبسط وثقتها في نفسها تزيد.
المكان الملحق بالدير اسمه High Ropes وده عبارة عن منطقة جبلية مربوط فيها حبال عالية كتير، وفيها أمان عالي جدًا.
فيه حوالي أربع ألعاب في المنطقة دي، تقدر تختار منهم اللعبة اللي تعجبك.. وما تقلقش أنت بتلبس هناك لبس مناسب جدًا يحميك من أي خطر، وهتاخذ خوذة أمان وشورت بحزام.
من ضمن الألعاب في المكان هتلاقي لعبة اسمها zip line ودي عبارة عن برج عالي بتطلعه بمساعدة وسائل الأمان وتنزل بمساعدة الحبال من فوق لتحت.
ده غير لعبة تسلق الصخور اللي هتحسسك إنك في فيلم أجنبي، وكمان فيه لعبة اسمها على اسم المكان High rope وعن طريقها بتطلع لأعلى نقطة في المنطقة، وبتستمتع بمنظر الدير والأماكن المحيطة بيه من ارتفاع عالي جدًا.
وعلشان توصل المكان بسهولة، اركب أي مواصلة للمقطم، وانزل عند دير سمعان الخراز، والمكان شغال طول الاسبوع ما عدا يوم الأحد.
للتواصل مع المكان اضغط هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
