The Definitive Guide to Living in the Capital , Cairo , Egypt

رنا شرف

يوتيوب منصة عالمية مهمة، وبقت مصدر جذب لناس كثيرة، وعليها تقدروا تتعلموا كل حاجة من الأبرة للصاروخ، وكلنا عارفين إن رمضان مرتبط معانا في مصر بالأكل المميز، علشان كدة اختارنا لكم 5 قنوات طبخ هتخلي سفرتكم في رمضان أحلى، والمميز في القنوات دي إنها لسيدات مصريات شبهنا، بيقدموا الأكلات اللي حبيناها من أمهاتنا وجداتنا.

تعالوا نتعرف على القنوات دي ونشوف حكايتها!

 

صدفة جاد

واحدة من أشهر قنوات اليوتيوب، كل محتواها خاص بالطبخ والمطبخ. صدفة جاد قناة مليونية وكمان قريبة من الناس لأن محتواها مش بس طبيخ، دي بتقدم كمان نصائح لشراء مستلزمات البيت والمطبخ.

لزيارة القناة، اضغطوا هنا.

 

أسرار المطبخ مع سمر

دي كمان قناة مليونية وكبيرة وبتقدم محتوي حلو للأكلات والحلويات. سمر لها شعبية كبيرة  علي  اليوتيوب.

لزيارة القناة، اضغطوا هنا.

 

آية حجازي ووصفة ومعلومة

القناة دى عدد متابعيها مش بالملايين زي القنوات اللي فاتت، لكنها مفيدة جدًا وفيها معلومات قيمة، وهتعلمكم مع وصفات الأكل إزاي تهتموا بنظافة مطبخكم وإزاي توفروا وأنتم بتشتروا مستلزمات البيت، وإزاي تعملوا أكلات جديدة بطريقة مبتكرة.

لزيارة القناة، اضغطوا هنا.

 

 

مطبخ أسماء فايز

قناة مليونية بتقدم محتوي حلو وأكلات مطبخ مصري، بتتميز بأن أسلوبها بسيط وشرحها في الوصفات سهل.

لزيارة القناة، اضغطوا هنا.

 

عزة في المطبخ

قناة جميلة، متابعينها بالملايين، بتقدم محتوي طبخ ممتع وسهل وبسيط واقتصادي، وبتقدم كمان وصفات لحلويات مصرية وغربية، بتتميز القناة بأن أسلوبها حلو ويوصل للقلب.

لزيارة القناة، اضغطوا هنا.

 

كل سنة وأنتم طيبين يا أهلنا في القاهرة!