The Definitive Guide to Living in the Capital , Cairo , Egypt

الصورة: عمر صلاح حسن

القاهرة فيها محمية مهمة، أقرب لمتحف تاريخي مفتوح، فيها بقايا آثار غابة شجرية كانت موجودة قبل حوالي 35 مليون سنة، وهي محمية الغابة المتحجرة.. تعالوا نتعرف أكتر على المكان ده.

1 – محمية الغابة متحجرة موجودة على بعد حوالي 18 كيلو متر شرق حي المعادي بمحافظة القاهرة، وبالتحديد في منطقة القاهرة الجديدة (التجمع الثالث).

2 – لما تدخل من بوابة المحمية، هتشوف جذوع الأشجار المتحجرة متناثرة في كل أنحاء المحمية.

3 – محمية الغابة المتحجرة عبارة عن منطقة صحراوية شاسعة فيها بقايا الأشجار المتحجرة القديمة وجذوع الأشجار المتحجرة والحجارة والصخور، ومافيش موقع تاني على وجه الأرض بيحمل نفس أهمية الغابة المتحجرة في مصر، واللي بتعتبر أقرب لمتحف طبيعي.

4 – الغابة المتحجرة أصبحت محمية من سنة 1989 بقرار رسمي من الحكومة المصرية، بعد ما تم اعتبارها محمية طبيعية يتم إدارتها من خلال قطاع حماية الطبيعة التابع لوزارة البيئة في مصر، وبعدها تم تصنيف المحمية من خلال الاتحاد الدولي لصون الطبيعة IUCN باعتبارها (محمية أثر طبيعي).

5 – فيه كتير من النظريات العلمية اللي حاولت تشرح لنا أصل الجذوع والسيقان المتحجرة الموجودة في المحمية، أغلبها بيتفق على أن كنوز المحمية منقولة عن طريق مياه الأنهار إلى أماكن تجمعها الحالية وبعدها حصل تحفرها (تحجرها).