The Definitive Guide to Living in the Capital , Cairo , Egypt

الهيئة القومية للأنفاق بتسابق الزمن لتجهيز محطة مترو هليوبوليس، اللي هتكون أكبر محطة مترو في الشرق الأوسط، وهيستخدمها 2 مليون راكب يوميًا، وهتبقى ممتدة لحد محطة العتبة، وهي همزة الوصل بين مترو المطار ومترو السلام، كمحطة تبادلية، ومن المقرر الانتهاء من المحطة خلال أيام وبدء التشغيل التجريبي لها نهاية شهر أكتوبر.

واللواء عصام والي، رئيس الهيئة القومية للأنفاق كشف أن العمل شغال ليل ونهار داخل المحطة، طبقًا لمعدلات الآداء وتوصيات المسئولين، وقال كمان أن أعمال حفر المحطة هي الأفضل من بين كل محطات الخط الرابع، ووصلت لعمق 50 متر تحت الأرض، واللي وصفها وكأنها عمارة 18 دور تحت الأرض.

والمحطة هتكون بنظام الدوبلكس، وهي محطة فوق محطة، بمساحة إجمالية 10 آلاف متر، وطولالأرصفة 225 متر، وتم الانتهاء من 17 سلم كهربائي، و18 سلم عادي، و4 أسانسير لذوي الاحتياجات الخاصة.

وهيتم خلال أيام التشغيل التجريبي للمحطة، علشان تستقبل رحلات المواطنين رسميًا مع نهاية الشهر الحالي، خاصة أن الخط الثالث هيكون بينقل 9 مليون راكب يوميًا، وده كمان هيخفف الضغط من على شوارع القاهرة لأن الخطوط كلها مكيفة.