The Definitive Guide to Living in the Capital , Cairo , Egypt

دخلت القاهرة اليومين اللي فاتوا في قائمة عملتها وحدة الاستخبارات الاقتصادية، التابعة لمجلة إيكونوميست البريطانية لأكثر المدن أمانًا في العالم، واللي وصلت فيه القاهرة للمركز الـ 55 من بين 60 مدينة حول العالم.

التقييم ده بيبقى مبني على 4 عوامل بيتقاس بيها درجة أمان المدينة، ومدى “مرونتها” وقدرتها على امتصاص الصدمات والتعافى منها، والعوامل دي بتبين قدرة المدينة على التعامل مع كل حاجة، بدءًا من الكوارث المناخية والبنية التحتية، مرورًا بالأمن الرقمى أو المعلوماتي، ولحد الصحة والأمن الشخصي .

القائمة ضمت مدن عالمية  زي طوكيو (اليابان) اللي كانت في المركز الأول، وجه بعدها سنغافورة فى المركز الثانى، وفي المركز التالت كانت مدينة أوساكا اليابانية، علشان يبقى كده المراكز الثلاثة الأولى فى مؤشر المدن الآمنة هى نفس المدن اللي كانت موجوده في نسخة 2015 و2017 من القائمة العالمية.

أما بالنسبة للمدن العربية في القايمة، فكانوا حوالي 6 مدن، تصدرتهم العاصمة الإماراتية أبوظبى فى المركز الـ27 في القائمة، ودبى في المركز الـ 28 وكانت واحدة من بين 4 مدن جديدة دخلت القائمة السنة دي، والكويت الـ 38، والرياض الـ 39، وحلت مدينة الدار البيضاء المغربية فى المركز الـ54.

قائمة السنة دي دخلت فيها 4 مدن ماكانتش موجودة فى القوائم اللي فاتت، زي العاصمة الدنماركية كوبنهاجن، ومدينة دبى الإماراتية، ومدينة لاجوس، وباكو عاصمة مالى.

كمان زي ما في مدن دخلت، في مدن خرجت من التصنيف، وهي الدوحة عاصمة قطر، والعاصمة الإيرانية طهران، والعاصمة اليونانية أثينا، ومدينة جدة السعودية.