The Definitive Guide to Living in the Capital , Cairo , Egypt

نهر النيل معروف بجماله ومنظره البديع، وأي جزء فيه بنقعد عنده بيكون له رونق خاص وبتختلط وقتها المشاعر المتباينة، ما بين ذكريات مفرحة ومحزنة وأحلام وأماني بتترسم، حاجات كتير بنفكر فيها بدون ما ناخد بالنا لمجرد أننا قاعدين على النيل ومستمتعين، والأجمل في رؤية النيل أننا نشوفه من فوق، وده بيخلينا نشوف جمال رباني مالوش مثيل، وعلشان كده هنرشح لكم 5 أماكن مميزة تقدروا تشوفوا منها النيل من فوق بشكل مختلف، وأسعارها مختلفة ولكنها في المتناول.

برج القاهرة

طالما قلنا هنشوف النيل من فوق يبقى بالتأكيد أول حاجة هنفكر فيها برج القاهرة اللي في الغالب هتشوفوا القاهرة كلها من فوقه ولكن منظر النيل له جمال مختلف خاصة أنه النقطة الأقرب له.

العنوان: شارع الجبلاية – الزمالك.

 

المطعم الدوار

موجود بأعلى برج القاهرة، الفيو عندهم بيكون 360 درجة، لأن المطعم الدوار بيلف بيكم وأنتوا قاعدين هيخليكم تشوفوا القاهرة كلها بشكل عام والنيل بشكل خاص، وهتستمتعوا بأجمل فيو للنيل من منطقة جاردن سيتي.

العنوان: فندق جراند تاور – جاردن ستي.

 

روف كافيه

المعادي لوحدها حكاية فتخيلوا لما تشوفوا النيل بحكاياته وجماله من خلال روف كافيه أكيد هتستمعوا أكثر، وخاصة أن المكان قريب من النيل وبيكشفه للشط التاني منه.

العنوان: كورنيش المعادي – فندق اللؤلؤة – أمام مرسى النهر الخالد.

bali

منطقة العجوزة اللذيذة تقدروا تشوفوا النيل منها من الدور الـ20 داخل روف فندق شهرزاد وهتسمتعوا به بشكل مختلف لأن الفيو بتاعه هيجيب شكل النيل بتفريعاته وتقسيماته المميزة وهتنبرهوا بالمنظر اللي هتشوفوه، والصورة اللي فوق من تصورينا لما كنا هناك.

العنوان: فندق شهرزاد – العجوزة.

 

The roof

النيل في الجيزة بصراحة له روح خاصة، وده هتلاقوه لما تشوفوا جماله ورونقه من The Roof فما بالكم لو المكان ده مركب تقدروا تستكشفوا منه النيل بشكل مختلف وجميل، حابين بس نقولكم أن الأسعار عالية حبتين عندهم لكن الفيو يستاهل.

العنوان: مركب Sun set – 139 شارع النيل – الجيزة.