الموظف الدليفري… خدمة جديدة من محافظة القاهرة لتسهيل الإجراءات الحكومية
حى غرب خدمات حكومية غرب القاهرة محافظة القاهرة مصلحة حكومية موظف دليفري
Cairo 360
فكرة عملية جدًا.. ده اللي نقدر نوصف بيه الفكرة الجديدة اللي طبقها حى غرب القاهرة، واللي بدأ منظومة جديدة هدفها تبسيط وتسهيل الإجراءات لمواطني الحى، وده بالتعاون مع التنمية المحلية، ووزارة التخطيط، والوكالة الألمانية للتنمية.
الفكرة باختصار بتعتمد على إن موظف من الحى بيروح بنفسه لمقر أي مواطن محتاج خدمة حكومية بهدف إنهاء إجراءات الخدمة اللي عاوزها من الحى.
لكن للأسف الخدمات المتاحة حاليًا هي عمل رخصة محل أو رخصة بناء بس، لكن الفكرة نفسها هتكون أفضل كتير لو تم تطبيقها مع باقي الخدمات الحكومية زي البطاقة الشخصية مثلًا.
وبحسب اللواء هشام خشبة، رئيس حى غرب القاهرة، فموظف الحى هيروح بنفسه للمواطن بعربية تابعة للحى، وهيكون معاه إثبات شخصية فيه كل بياناته المعتمدة من الحى، علشان ينهى مصلحة المواطن فى مكان تواجده.
وحى غرب القاهرة أعلن إن الموظف هيشوف المستندات المطلوبة، وهيستلمها ويحصل الرسوم اللي بيحددها القانون للحصول على الترخيص، سواء كان رخصة محل أو رخصة بناء.
ريحونا شوية يا حكومة.
علشان تتواصل مع حى غرب القاهرة.. اضغط هنا
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
