ملاهي وبطاريق وخدع وأكثر.. 5 أماكن في القاهرة لتغيير موود الامتحانات
خروجة اجازة نصف السنة خروجة بعد الامتحانات خروجة عائلية فسحة الاجازة
Mohamed Talaat
كثير من الطلاب منتظرين النتيجة، ودي حاجة بتسبب ضغط ومود مش لطيف على طلابنا وأهلهم وده وضع إحنا عايشينه زيكم، علشان كده بنطلب منكم تخففوا الضغط ده بخروجة مميزة تحسنوا فيها نفسية أولادكم ونفسيتكم، وخلال السطور الجاية هنقول لكم على 5 أماكن مميزة في القاهرة تقدروا تخرجوا فيها علشان تغيروا الموود.. يلا نعرفهم!
ملاهي الملاهي
طالما أطفال ولعب وتغيير مود يبقى لازم نبدأ بالملاهي، واخترنا لكم مان اسمه “الملاهي” ورغم حداثة المكان إلا أنه بقى منافس قوي في سوق الترفيه بألعابه المميزة وخدماتهم اللي بتناسب كل الأعمار، وهما موجودين في القطامية – طريق العين السخنة – أمام district 5.
وتقدروا تعرفوا أكتر عنهم من خلال صفحة الفيسبوك من هنا.
سكي ايجيبت
هتسافروا عندهم من مصر للقطب الشمالي، وهتلعبوا بالثلج وهتتصوروا مع البطاريق وهتبقى ذكرى جميلة وتغيير موود مختلف، وماتنسوش تجربوا التزلج على الجليد، وهتلاقوهم في مول مصر – طريق 6 أكتوبر.
وتقدروا تعرفوا أكتر عنهم من خلال صفحة الفيسبوك من هنا.
متحف الأوهام
شوفوا بقى ده حاجة استثنائية ومختلفة، وأساس الانبساط فيه الخدع البصرية وده هتشوفوه من خلال صور هتوثق كل لحظة لأن المكان بيعتمد على التصوير بطريقة لأول مرة تشوفوها في مصر، وهما موجودين في Walk of Cairo – الشيخ زايد
وتقدروا تعرفوا أكتر عنهم منم خلال صفحة الفيسبوك من هنا.
مزرعة نيمو
من الأماكن المميزة اللي تقدروا تقضوا فيها داي يوز فيه كل حاجة وهتنبسطوا من الأنشطة والتنطيط وكمان عندهم ميزة أن الألعاب مشتركة بين الكبار والصغار يعني هتشاركوا أولادكم كل الأنشطة، وعنوانهم طريق مصر إسماعيلية الصحراوى – أمام الأكوا بارك، مطلع كوبري المستقبل.
وتقدروا تعرفوا أكتر عنهم من خلال صفحة الفيسبوك من هنا.
Mindmaze Adventure
لمحبي المغامرة وألعاب التسلق واللي عندهم طاقة عالية محتاجين يستغلوها فالمكان ده مناسب جدًا لرفع الأدريالين وتغيير الموود، هتقدروا هناك تتسلقوا وتتنططوا من مكان لمكان وتمشوا على الحبال وماتقلقوش معايير الأماكن عندهم عالية، وهما متواجدين في كايرو فيستيفال سيتي – بوابة 8 – القاهرة الجديدة.
وتقدروا تعرفوا أكتر عنهم من خلال صفحة الفيسبوك من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
