The Definitive Guide to Living in the Capital , Cairo , Egypt

صباح جديد ليوم جديد من أيام قاهرة المعز، تعالوا نشوف محاضرلنا إيه فيه:

النهارده الساعة 9 معادنا مع “دعسوقة” باند اللي هيقدموا حفلة جديدة في الفرع الجديد لـ رووم آرت سبيس في التجمع الخامس، سعر التذكرة: 100 جنيه.

في ليلة المونودراما على مسرح “ساقية الصاوي” فرقة “أضواء مصر المسرحية” هتقدم عرض مونودراما بعنوان “سجين الشارع” وفرقة “نور” هتقدم عرض “ليلة”.  سعر التيكت للعرض الواحد: 30 جنيه. العروض هتبدأ من الساعة 7.

محبي الاسترخاء والتأمل، عندهم معاد في Art of Seeing center  علشان يحضروا جلسات الـ “هاثا يوجا” اللي هتقدمها المدربة “رانيا المغربي” خلال الشهر ده، وهتكون أول جلسة النهارده. سعر الجلسة: 100 جنيه. وهتبدأ الساعة 7.

ممكن تختار الأغنية اللي بتحبها، وتمسك المايك وتغنيها مع اصحابك النهارده في حفلة “كاريوكي” هتبدأ من الساعة 8 على “مسرح رووم آرت سبيس”. سعر الدخول: 50 جنيه شاملة مشروب.

ماتنسوش أجندتنا في كايرو 360، علشان تكونوا متابعين دايمًا لكل أحداث القاهرة وفعالياتها من هنا.