Cairo 360
خروجات النهارده غير كل يوم، أحلى وأكتر ومليانة تنوع. يلا بينا نعرفها:
أحلى ميكس مزيكا هتسمعها من الفنان هشام خرما وفرقته، على المسرح المكشوف في دار الأوبرا المصرية. الفريق بيقدم ميكس بين صوت الآلات الموسيقية والكهرباء. الحفلة هتبدأ الساعة 8 مساءً. وسعر التذكرة: 75 جنيه.
سينما دال في وسط البلد هتعرض فيلم “Searching for Sugar Man“. أحداثه بتدور عن فنان السبعينيات “رودريجز” اللي أصدر ألبوم غنائي، مانجحش في أمريكا لكن نجح في جنوب أفريقيا. العرض هيبدأ الساعة 7:30 مساءً. الدخول مجانًا.
عرض الزار وأجمل الأغاني الشعبية والفلكلور، هتقدمها فرقة مزاهر في مكان. الحفلة هتبدأ الساعة 8 مساءً. وسعر التذكرة: 40 جنيه.
لو بتحبوا شغل الفخار وصناعة أشكال مختلفة منه، فدرب 1718 عامل ورشة الفخار للمبتدئين. وهتبدأ الساعة 6 مساءً.
مساحة بدايات في هليوبوليس هتستضيف حفلة أكوستيك للفنان عمر عتمان. الحفلة هتبدأ الساعة 8 مساءً. وسعر التذكرة: 70 جنيه.
ده غير إيفينتس تانية كتيرة ممكن تعرفوها من هنا. سهرة سعيدة.
مقترح
الحياة في كايرو
قانون الإيجار القديم بيتغير؟.. كل اللي محتاج تعرفه عن التعديلات الجديدة وأثرها عليك!
أزمة الإيجار القديم إيجار الأشخاص الاعتبارية +8
معالم وسياحة
